მნიშვნელოვანია, რომ ენერგეტიკის სექტორში განხორციელებულმა აქტივობამ განაპირობა ის , რომ შეიქმნა ახალი საწარმოები ,რომლებიც აწარმოებენ პროდუქციას და ერთ-ერთი ასეთი ნათელი მაგალითია საქკაბელი. კომპანიამ სრული ფუნქციონირება 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს.
2006 - 2011 წლები გამრიცხველიანების მთელი პროცესი საქართველოში ქართული კაბელით განხორციელდა. მოხდა რუსული,უკრაინული, თურქული, ჩინური და სხვა იმპორტული პროდუქციის ჩანაცვლება და მთელი გარე განათების სისტემა თბილისში, ქუთაისში, ბათუმში, გორში, თელავში, გუდაურში, სიღნაღში, მესტიაში მთლიანად ქართული კაბელით გაკეთდა.
2009 წელს მთლიანად ჩანაცვლდა რუსეთისა და საქართველოს დამაკავშირებელი ენერგომომარაგების „საქრუსენერგოს" რუსული წარმოების კაბელი „საქკაბელის" პროდუქციით. .
„ჩვენ ვართ იმდენად ძლიერები, რამდენადაც ძლიერია ჩვენი ეკონომიკა . რამდენიმე წლის წინ საქართველოში იყო ელექტროენერგიის დეფიციტი და საზოგადოების უიმედო განწყობა მომავლის მიმართ. როდესაც საქართველოს მთავრობამ 2004 წლიდან ეკონომიური რეფორმების პაკეტი შემოიღო, ერთ-ერთი მთავარი და პრიორიტეტური იყო, რომ ენერგეტიკაში რაც შეიძლება მალე დაგვენახა შედეგი. ქვეყანამ შეძლო საკუთარი მოსახლეობის 24 საათიანი ელექტრო მომარაგება. 2010 წლიდან ჩვენ გავხდით წმინდა ექსპორტიული ქვეყანა ოთხივე მეზობელ ქვეყანაში, მათ შორის რუსეთშიც. დადგა დრო, რომ გადავიდეთ განვითარების ახალ ეტაპზე და მთავრობის მიზანია, მაქსიმალურად ხელი შეეწყოს ჰიდროპოტენციალის ათვისებას. ქვეყანაში დღესდღეობით მიმდინარეობას 15 ახალი ჰესის მშენებლობა ამ დარგში შექმნილმა აქტივობამ ეკომონიკურად მიზანშეწონილი გახადა ენერგეტიკის სექტორთან დაკავშირებული ბიზნესის განვითარება, საქკაბელი ამ შედეგის ნათელი მაგალითია. საქკაბელმა ჩვენს წარმოებაშიც ჩაანაცვლა იმპორტული პროდუქცია და გააქვთ ექსპორტზეც, ხოლო „სინათლის ქალაქის" ყველა ძირითადი კაბელი "საქკაბელის" მოწოდებულია."- აცხადებს ენერგეტიკის მინისტრის მოადგილე გიორგი ყაველაშვილი.
შეგახსენებთ, რომ „საქკაბელი" 1959 წელს დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს.
2006-2007 წლებში ქარხანაში 3 მილიონი დოლარის ინვესტიცია განხორციელდა.
2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში.
საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.