ევროპის რეკონსტრუქციისა და განვითარების ბანკი (EBRD) საერთაშორისო საფინანსო კორპორაცია (IFC) ნიდერლანდების განვითარების ბანკი (FMO) შავი ზღვის ვაჭრობსია და განვითარების ბანკი (BSTDB) კავკასიის განვითარების ფონდში ინვესტირებას განახორციელებენ. ახალი ფონდის მართვას კი SEAF- მცირე საწარმოების მხარდაჭერის ფონდი განახორციელებს, რომელიც თავის მხრივ საერთაშორისო ფონდების მმართველია.

როგორც დღეს სასტუმრო რედისინში გამართულ შეხვედრაზე გახდა ცნობილი, თავდაპირველად ოთხივე საერთაშორისო ინსტიტუტი ფონდში 40 მილიონი დოლარსი ინვესტირებას განახორციელებს. ხოლო SEAF-ი დამატებით 2 მილიონ დოლარს გამოყოფს SEAF კავკასიის განვითარების ფონდისთვის.

როგორც დღეს გახდა ცნობილი შემდგომში ფონდის გაზრდა 70 მილიონ დოლარამდე იგეგმება. ეს არის კავკასიაში პირველი პროფესიული დონის ფონდი, რომელიც გასცემს სესხებს და კაპიტალდაბანდებებეს მხოლოდ მცირე და საშუალო საწარმოებში საქართველოში სომხეთსა და აზერბაიჯნაში.

ოთხივე საერთაშორისო საფინანსო ინსტიტუტის წარმომადგენლები განმარტავენ, რომ ისინი ერთმანეთთან მჭიდრო თანამშრომლობით ხელს უწყობენ კერძო კაპიტალდაბანდებებს მცირე და საშუალო საწარმოების სექტორში, რომელიც თავის მხრივ კავკასიის ეკონომიკის ხერხემალს წარმოადგენს და უდიდეს როლს ასრულებს ახალი სამუშაო ადგილების შექმნის თვალსაზრისით.

ფონდი ინვესტირებას განახორციელებს წარმოების სხვადასხვა სექტორში. კერძოდ კი აგრობიზნესში, სადისტრიბუციო ქსელში, ენერგოსექტორში და საცალო სექტორში.

როგორც დღეს SEAF-ის წარმომადგენელმა ესბენ ემბორგმა განაცხადა, აღნიშნული ფონდის საქმიანობა ბანკის საქმიანობისგან განსხვავებულია, რადგანაც ბანკი მხოლოდ სესხებს გასცემს. ხოლო ფონდი ორიენტირებულია კაპიტალდაბანდების გაზრდაზე და ფონდი ინვესტირებას არ განახორციელებს ისეთ საწარმოებში, რომლის ბრუნვაც 15 მილიონ ლარზე ნაკლები იქნება ან დასაქმებული ეყოლება 250-ზე ნაკლები თანამშრომელი.

რაც შეეხება EBRD-ს დირექტორს კავკასიაში, მოლდოვასა და ბელორუსში, პოლ ჰენრის განმარტებით EBRD ფონდში 10 მილიონი დოლარის ინვესტირ6ებას მოახდენს.

"საბაზრო ეკონომიკის განვითარების გზაზე დამდგარ ქვეყნებში, მეწარმებონბის ხელშეწყობა EBRD-ს სტრატეგიის ნაწილია. EBRD-ს საქმიანობა ძირითადად მიმართულია კერძო სექტორის განვითარებაზე. ევროპის რეკონსტრუქციისა და განვითარების ბანკი მოხარულია რომ შეუერთდა აღნიშნულ ინიციატივას თავის პარტნიორ საერთაშორისო საფინანსო ინსტიტუტებთან ერთად, რათა ხელი შეუწყოს კაპიტალდაბანდების განვითარებას მთელს რეგიონში" - განაცხადა პოლ ჰენრიმ.

IFC-ს ევროპისა და ცენტრალური აზრიის დეპარტამენტის დირექტორის თომაშ ტელმას განცხადებით, ფონდში IFC 10 მილიონი დოლარის ინვესტირებას მოახდენს.

"კაპიტალის ნაკლებობა სამხრეთ კავკასიაში მცირე და საშუალო საწარმოებისთვის ყველაზე რთული საკითხია. SEAF კავკასიის განვითარების ფონდში ინვესტირებით ჩვენ მცირე და საშუალო საწარმოებს ამ მნიშვნელოვანი დაბრკოლების გადალხავაში დავეხმარებით. ეს საწარმოების ეკონომიკის დივერსიფიცირებას და სამუშაო ადგილების შექმნის მთავარ ძალას წარმოადგენს" - განაცხადა თომაშ ტელმამ.