უახლოეს პერიოდში აჭარის სავაჭრო-სამრეწველო პალატასა (ასსპა) და აჭარის დასაქმების სააგენტოს შორის ურთიერთთანამშრომლობის მემორანდუმი გაფორმდება, რაც ვაკანტური ადგილების მოძიების პროცესს გამარტივებს და და დასაქმების მსურველთა ორგანიზებულ დასაქმებას შეუწყობს ხელს.
აჭარის სავაჭრო-სამრეწველო პალატამ და აჭარის დასაქმების სააგენტომ ბათუმში მოქმედი საწარმოები და მიმდინარე სამშენებლო ობიექტები მოინახულეს, რომლის მთავარი მიზანიც საწარმოებში და მშნებლობებზე არსებულ და მომავალ ვაკანსიებზე ინფორმაციის შეგროვება იყო. აქციის მტავარ მიზანს ასევე დასაქმების სააგენტოში რეგისტრირებულ სამუშაოს მაძიებელთა ამ საწარმოებში დასაქმება წარმნოადგენდა.
ასსპა-ს მიერ შედგენილი გეგმის მიხედვით აჭარის დასაქმების სააგენტოსა და პალატის წარმომადგენლები კომპანია „ავრასია ჯორჯია“-ს ესტუმრნენ, რომელიც ბათუმში მრავალ ფუნქციურ კომპლექსს აშენებს, სადაც ავტოსადგური, სავაჭრო ცენტრი და ბაზრობა განთავსდება. ასევე შედგა ვიზიტი კომპანია „ჯეოფიბრე“-ში, სადაც უახლოეს მომავალში ფიბრული ძაფებისა და პერანგების წარმოება დაიწყება. 10 ათასი კვმ ფართობის ფაბრიკის მშენებლობისთვის განხორციელდა დაახლოვებით 8 მილიონი აშშ. დოლარის ინვესტიცია. ფაბრიკაში დასაქმდება 500 მეტი ადამიანი.
ასსპა-სა და დასაქმების სააგენტოს წარმომადგენლები ასევე სამშენებლო კომპანია შპს „T-k tuzcuoglu keskin insaat“-სა და ტექსტილის მწარმოებელ კომპანია „აჭარა ტექსტილ“-ს ეწვივნენ. კომპანია „T-k tuzcuoglu keskin insaat“ საქართველოს სამშენებლო ბაზარზე ასსაპა-ს შუამდგომლობით შემოვიდა. კომპანია ბათუმში 21 სართულიანი საცხოვრებელი კომპლექსის მშენებლობას იწყებს, სადაც სავარაუდოდ 200-მდე ადგილობრივი მუშახელი უნდა დასაქმდეს.
კომპანია ”აჭარა ტექსტილმა” აჭარის რეგიონში უკვე დიდ წარმატებას მიაღწია, ის უკვე 6 წელია ფუნქციონირებს და ამ ხნის განმავლობაში 800-მდე ადგილობრივი კადრის დასაქმება შეძლო. კომპანია ფართოვდება და შესაბამისად უახლოეს მომავალში ახალი ვაკანსიები გაჩნდება.
მასალის გამოყენების პირობები