ფქვილის ბაზარზე ახალი მოთამაშე შემოდის. კომპანია „ჯეოპასტი", რომელიც დღემდე მაკარონის წარმოების სეგმენტში მუშაობდა ამიერიდან დაფასოებული ფქვილის "ასლის" წარმოებას იწყებს.
კომპანიის გენერალური დირექტორი მამუკა ბაღდავაძე „ჯეოპასტის" ახალი მიმართულებით გააქტიურებას, ბაზარზე ხარისხიან ფქვილზე არებულ მოთხოვნას უკავშირებს და სწორედ ამ მიზნით გადაწყვითა „ჯეოპასტმა" საკუთარი ბრენდის შექმნა. მამუკა ბაღდავაძის განმარტებით, ამ მიმართულებით „ჯეოპასტი" თავდაპირველად საპილოტე რეჟიმში იმუშავებს და ბაზარზე არსებულ სიტუაციას კარგად შეისწავლოს.
კომპანიის მენეჯმენტის გათვლებით, საპილოტე რეჟიმი დაახლოებით ერთ წელს გასტანს და თუ კი „ჯეოპასტის" მენეჯმენტი ფქვილის სეგმენტში აქტიურ ოპერირებას გადაწყვეტს, საწარმოში შესაბამის საწარმოო ხაზსაც დაამონტაჟებს და ინვესტირებასაც გაზრდის.
„ჯეოპასტის" მენეჯმენტი აცხადებს, რომ "ასლი" ბაზარზე, ერთ და ორკილოგრამიან პაკეტებში, მომავალი კვირიდან გამოჩდნება და ის სადისტრიბუციო ქსელში შესაბამისად 1,30- 2,60 ლარად ჩაეშვება.
რაც შეეხება საცალო ქსელს, "ჯეოპასტის" დირექტორის განმარტებით, სავაჭრო ობიექტებში ფქვილი დაახლოებით 20 % ფასნამატით გაიყიდება. კომპანიაში გამარტავენ, რომ "ასლი" სხვა კომპანიების მიერ წარმოებულ ანალოგიური სახეობის პროდუქციასთან შედარებით 10 თეთრით იაფი ეღირება.
შეგახსენებთ, რომ კომპანია ,,ჯეოპასტი" დღემდე მხოლოდ 10 დასახელების მოკლე სახეობის მაკარონს აწარმოებდა.