"საქართველოს ბანკის" ინფორმაციით, ორივე სესხი, თითოეული 26 მილიონი აშშ დოლარის მოცულობით, რომლის კონვერტირება IFC-მ და EBRD-მ მოახდინეს, იმ 200 მილიონი აშშ დოლარის მოცულობის დაფინანსების ნაწილია, რომელიც საერთაშორისო საფინანსო ინსტიტუტებმა საქართველოს ბანკს 2008 წელს გამოუყვეს. კონვერტირების შედეგად, თითოეული საქართველოს ბანკის 4.58 პროცენტის მფლობელი გახდა. საქართველოს ბანკმა ცოტა ხნის წინ აქციები ლონდონის საფონდო ბირჟის პრემიუმ ლისტინგში განათავსა.

"პრემიუმ ლისტინგის შემდეგ EBRD-მ და IFC-მ, "საქართველოს ბანკის" აქციონერების სურვილი გამოთქვეს. რაც მათი მხრიდან არის დიდი ნდობის მანდატი და რასაც "საქართველოს ბანკიც" მიესალმება. EBRD-იდა IFC-ი წლების განმავლობაში ჩვენი პარტნიორები იყვნენ, მაგრამ ამიერიდან უკვე როგორც აქციონერები გამოვლენ"- აცხადებს "საქართველოს ბანკის" გენერალური დირექტორის მოადგილე არჩილ გაჩეჩილაძე.

არჩილ გაჩეჩილაძეს იმედი აქვს, რომ ამ ორი საფინანსო ინსტიტუტის აქციონერობა "საქართველოს ბანკს" შემდგომ დაბალპროცენტიანი ფინანსების მოზიდვას გაუადვილებს.

"იმედი გვაქვს, თუმც ამაზე დაყრდნობა მაინც რთულია. ასე წინასწარ ცალსახად ვერ ვიტყვით"- აცხადებს არჩილ გაჩეჩილაძე.

ლონდონის საფონდო ბირჟის თანახმად, პრემიუმ ლისტინგში განთავსებული კომპანია აკმაყოფილებს დიდი ბრიტანეთის რეგულირებისა და კორპორაციული მართვის უმაღლეს სტანდარტებს. შედეგად, მას შეუძლია მიიზიდოს უფრო იაფი კაპიტალი, რადგანაც მეტი გამჭვირვალობის შეთავაზებით, ინვესტორების ნდობას მოიპოვებს.

"EBRD მხარს უჭერს საქართველოს ბანკის წარმატებულ პრემიუმ ლისტინგს ლონდონის საფონდო ბირჟაზე. საქართველოს ბანკი პირველი ქართული კომპანიაა, რომელმაც მიიღო ეს აღიარება საერთაშორისო კაპიტალის ბაზრებზე. ეს როგორც საქართველოს ბანკის, ისე მთელი საქართველოს აღიარებაა. EBRD განაგრძობს საქართველოს საბანკო სექტორის მხარდაჭერას."- აღნიშნა EBRD-ის დირექტორმა კავკასიაში, მოლდოვასა და ბელარუსში პოლ-ანრი ფორესტიერმა.

" რატომ შევარჩიეთ "საქართველოს ბანკი"? რატომ და ის არის საქართველოს წამყვანი ბანკი . ჩვენ "საქართველოს ბანკთან" ვთანამშრომლობდით როგორც აღმშენებლობის ასევე კრიზისის პერიოდშიც, რათა დავხმარებოდით სტაბილური და ძლიერი ფინანსური სისტემის შექმნაში IFC-ის "საქართველოს ბანკთან" საკმაოდ ხანგრძლივი თანამშრომლობა აკავშირებს. სესხის კონვერტაცია "საქართველოს ბანკის" მიმართ კიდევ ერთი მხარდაჭერის ნაბიჯია. "საქართველოს ბანკის" სააქციო კაპიტალში შესვლით, ჩვენ ხელს ვუწყობთ ბანკის კლიენტებისთვის, მათ შორის მცირე და საშუალო კომპანიებისთვის, ფინანსურ რესურსზე ხელმისაწვდომობის გაზრდას, რაც ძალზედ მნიშვნელოვანია დასაქმებისა და ქართული ეკონომიკის განვითარებისთვის."- აცხადებს IFC-ის ევროპისა და ცენტრალური აზიის დეპარტამენტის დირექტორი ტომაშ ტელმა.

შეგახსენებთ, რომ საქართველოს ბანკი ქვეყნის წამყვანი ბანკია, მთლიანი აქტივების (საბაზრო წილი 35.6%), მთლიანი სესხების (საბაზრო წილი 34.5%) და კლიენტთა დეპოზიტების (საბაზრო წილი 35.6%) მიხედვით. საქართველოს ბანკი მის კლიენტებს სთავაზობს კორპორატიული და საცალო საბანკო, დაგროვილი ქონების მართვის, საბროკერო და სადაზღვევო მომსახურების ფართო სპექტრს.