სოფლის მეურნეობის მინისტრ ზაზა გოროზიას განცხადებით, ჰიბრიდული სიმინდის ცუდი მოსავალი აგროვადების დარღვევით იყო გამოწვეული.
როგორც მან ანტიკრიზისული საბჭოს დღევანდელ სხდომაზე აღნიშნა, მიუხედავად პრობლემებისა, საქართველოდან სიმინდის გატანა წელს პირველად მოხდა.
მისი თქმით, გლეხების 70 %-ზე მეტმა, სიმინდის კარგი მოსავალი მიიღო, 20 %-მა საშუალო, ხოლო ცუდი მოსავალი მიიღო მხოლოდ 10%-მა. მინისტრის გამნმარტებით, ყველა შემთხვევაში, ცუდი მოსავალი განპირობებული იყო აგროვადების დარღვევით, როცა გლეხები არ ითვალისწინებდნენ იმ მითითებებს, რასაც სამინისტრო ყოველდღიურად აძლევდა.
მინისტრის მტკიცებით, შარშან, ამ დროს, საქართველოში სიმინდი 1,40 ლარი ღირდა, ახლა კი 52-53 თეთრი ღირს.