საქართველოში იაპუნური მანდარინის მოყვანა იგეგმება. ამის შესახებ სოფლის მეურნეობის მინისტრმა ზაზა გოროზიამ ანტიკრიზისული საბჭოს დღევანდელ სხდომაზე განაცხადა.
მისი თქმით, მანდარინის ახალი ჯიშები უკვე შემოტანილია და მისი დარგვა აჭარაში, ჩაქვის ტერიტორიაზე დაიწყება, სადაც ადრე ჩაი იყო გაშენებული.
მინისტრის განცხადებით, ახალი ჯიშების შემოტანის მიზანია, მანდარინის მოსავალს ქვეყანა დროულად ღებულობდეს და მისი გატანის პრობლემა არ იქმნებოდეს. გოროზიას თქმით, ამით შესაძლებელი გახდება, საქართველომ უკრაინასა და სხვა ქვეყნებში მანდარინის შეტანა სხვა ქვეყნებს დაასწროს.
