საქართველო მსოფლიომ, შესაძლოა, თაფლის სამშობლოდ აღიაროს. ამის შესახებ ანტიკრიზისული საბჭოს თავმჯდომარე გია თორთლაძემ სოფლის მეურნეობის მინისტრთან ზაზა გოროზისთან შეხვედრაზე განაცხადა.
მისი ინფორმაციით, საქართველოს ერთ-ერთ რეგიონში გერმანელმა მეცნიერებმა კერამიკული ჭურჭლით თაფლი აღმოაჩინეს.
თორთლაძის განცხადებით, თაფლის სიძველე 3 700 წლით თარიღდება, რაც აქამდე მსოფლიოში აღმოჩენილი თაფლზე გაცილებით ძველია.
მისი თქმით, ამ ფაქტთან დაკავშირებით დეტალური ინფორმაცია უახლოეს მომავალში გახდება ცნობილი.
