მთავრობა მსოფლიო ბანკის დახმარებით კახეთის რეაბილიტაციის პროექტს იწყებს. ამ მიზნით მსოფლიო ბანკმა საქართველოს 60 მლნ. დოლარის დაბალპროცენტიანი სესხი უკვე გამოუყო.
ფინანსთა მინისტრის დიმიტრი გვინდაძის განმარტებით, მთავრობასა და მსოფლიო ბანკს შორის უკვე გაფორმებული ხელშეკრულება ითვალისწინებს გრძელვადიანი და შეღავათიანი პირობებით ფინანსური რესურსის გამოყოფას 60 მილიონი აშშ დოლარის ოდენობით. პროექტი რეგიონული განვითარებისა და ინფრასტრუქტურის სამინისტროს კოორდინირებით ხორციელდება.
"ეს არის განსხვავებულად ახალი პროექტი, რომელიც თავისი კონცეფციით რადიკალურად განსხვავდება. ამ ტიპის პროექტი მსოფლიო ბანკს საქართველოში ჯერ არ განუხორციელებია. პროექტის არეალი შემოიფარგლება კახეთის რეგიონით და მისი ღირებულება დაახლოებით 60 მლნ დოლარია, ანუ მსოფლიო ბანკიდან 60 მლნ დოლარის სესხს ვიღებთ, რომელიც არის იაფი, შეღავათიანი სესხი. სესხის ხანგრძლივობაა 28 წელია, საიდანაც 7 წელი საშეღავათოა. სესხს არ აქვს ვალდებულების გადასახადი. თანხა სამ ძირითად მიმართულებას მოხმარდება, ეს არის რეაბილიტაცია სამი დასახლებული პუნქტის: თელავი, ყვარელი, დართლო. გარდა. გარდა ამისა კახეთი მდიდარია თავისი კულტურული მემკვიდრებით და შესაბამისად ძეგლებთან შესაბამისი ინფრასტრუქტურის აღდგენა მოხდება, რათა კახეთი უფრო მიმზიდველი გახდეს ტურისტებისათვის. და მესამე ძირითადი კომპონენტი არის ის, რომ სახელმწიფო ყველა პირობას შეუქმნის კერძო სექტორს ინვესტიციის განხორციელებისათვის. ამ პროექტის მიზანი არის კახეთის მდგრადი განვითარება და ინვესტიციების მოზიდვა", - აღნიშნა დიმიტრი გვინდაძემ.
კახეთის რეგიონული განვითარების პროექტის სასესხო ხელშეკრულება საქართველოს მთავრობასა და მსოფლიო ბანკს შორის დღეს, ფინანსთა სამინისტროში გაფორმდა. ხელშეკრულებას ხელი მოაწერეს საქართველოს მხრიდან ფინანსთა მინისტრმა დიმიტრი გვინდაძემ, მსოფლიო ბანკის მხრიდან - სამხრეთ კავკასიის რეგიონულმა დირექტორმა ასად ალამმა. ხელმოწერის ცერემონიას ასევე დაესწრნენ რეგიონული განვითარებისა და ინფრასტრუქტურის მინისტრი რამაზ ნიკოლაიშვილი და კულტურული მემკვიდრეობის დაცვის ეროვნული სააგენტოს ხელმძღვანელი ნიკა ვაჩეიშვილი.
რეგიონული განვითარებისა და ინფრასტრუქტურის მინისტრი აცხადებს, რომ პროექტი ძველი შენონების გარდა ახალი ნაგებობების მშენებლობასაც ითვალისწინებს. რამაზ ნიკოლაიშვილი არ გამორიცხავს, რომ მსგავსი ტიპის პროექტები სხვა რეგიონთან მიმარტებაშიც ამოქმედდეს, რაც თავის მხრივ კახეთის განვითარების პროექტის წარმატებით განხორციელებაზე იქნება დამოკიდებული.
"ძალიან მნიშვნელოვანი პროექტია, რადგანაც ის მოდებული იქნება მთლიანად კახეთის პერიმეტრზე. პროექტი განხორციელდება არა მარტო თელავში არამედ ყვარელსა და დართლოში. პროექტის ფარგლებში მოხდება ყველა ისტპრიული ძეგლების აღდგენა და ინფრასტრუქტურის მოსწერიგება. ამ ტიპის პროექტთან დაკავშირებით ჩვენ მსოფლიო ბანკთან არ გვიმუშავია, რადგანაც ეს არის მრავალფუქნციური პროექტი. ჩვენ დავაკვირდებით ამ პროექტის განხორციელებას და ინტენსიურად ვიმუშავებთ იმაზე, რომ სხვა რეგიონებშიც ანალოგიური ტიპის სამუშაოები განხორციელდეს. პროექტის განმავლობაში, რომელიც წლის ბოლომდე გასტანს, 4 ათასამდე ადამიანი დასაქმდება. განახლდება ძველი მუზეუმები და რამდენიმე ახალი მუზეულიც აშენდება", - აღნიშნა რამაზ ნიკოლაიშვილმა.
"პროექტის პირდაპირი ბენეფიციარები არიან კახეთის მოსახლეობა და ტურისტები, რომლებსაც ექნებათ უკეთესი მუნიციპალური მომსახურება, აღდგენილი ისტორიული ძეგლები და ახალი თანამედროვე შენობები. ყოველივე ეს კი გააუმჯობესებს რეგიონის მოსახლეობის ცხოვრების დონეს და შემოსავლებს", - განმარტავს მსოფლიო ბანკის სამხრეთ კავკასიის რეგიონალური დირექტორი ასად ალამი.
ფინანსთა სამინისტროში კი განმარტავენ, რომ ურბანული, კომუნალური და ტურისტული ინფრასტრუქტურის რეაბილიტაციას მთელის რეგიონის მასშტაბით. პროექტის ფარგლებში დაფინანსდება თელავის და ყვარლის ისტორიული ცენტრალური ნაწილის სრული რეაბილიტაცია, რაც გულისხმობს შენობების, პარკების, სკვერების, გზების, გარე-განათების, მიწისქვეშა კომუნიკაციბის და სხვა მუნიციპალური ინფრასტრუქტურის რეაბილიტაციას და კეთილმოწყობას.
კულტურული მემკვიდრეობისა და ისტორიული ძეგლების პოპულარიზაციის, აგრეთვე ვიზიტორთა რაოდენობის გაზრდის მიზნით განხორციელდება აღდგენითი სამუშაოები და მოეწყობა ტურისტული ინფრასტრუქტურა დართლოს, ძველი შუამთის, ახალი შუამთის, იყალთოს, უჯარმას, ნინოწმინდის, დავით გარეჯას, გურჯაანის, ხირსას, ალავერდის და ბოდბეს მიმდებარე ტერიტორიაზე.
დიდი ყურადღება დაეთმობა კერძო ინვესტორების მხარდაჭერას, რომლებსაც სურთ მდგრადი ინვესტიციების განხორციელება და შესაბამისად მოსახლეობის დასაქმება კახეთის რეგიონში. პროექტის ფარგლებში შესაძლებელი იქნება მომიჯნავე ინფრასტრუქტურის დაფინანსება ბიზნეს პროექტების ხელშეწყობის მიზნით.
პროექტის განხორციელება უკვე დაწყებულია და მისი პირველი ეტაპის დასრულება დაგეგმილია მიმდინარე წლის ბოლომდე. პროექტი მიზნად ისახავს ადგილობრივი მოსახლეობის ცხოვრების ხარისხის გაუმჯობესდებას, ტურიზმის განვითარებას და კახეთის რეგიონში ბიზნეს აქტივობის წახალისებას, რაც თავის მხრივ ხელს შეუწობს დამატებითი სამუშაო ადგილების შემნას და ადგილობრივი მოსახლეობის კეთილდღეობის ამაღლებას.
