2013 წლის ბოლომდე რკინიგზის შემოვლითი გზა თბილისში კომპანია „საქკაბელის“ კაბელით დაკომპლექტდება. მნიშვნელოვანია, რომ 2011 ერთ-ერთი ყველაზე ეფექტური წელი იყო, საქართველოს რკინიგზა დამოკიდებული იყო სპეციფიკურ კაბელზე, რომელსაც ევროპაში მხოლოდ ერთი ქარხანა და ისიც რუსული ქარხანა უშვებდა. ამის გამო საქართველოს რკინიგზას მუდმივად ექმნებოდა პრობლემები - ხდებოდა დაგვიანებები და ხშირად რკინიგზა გაჩერების საფრთხის წინ იდგა. საქკაბელში შეიქმნა ამ კაბელის ანალოგი და მოხდა რუსული პროდუქციის სრული ჩანაცვლება და რკინიგზა აღარ არის რუსულ ქარხანაზე დამოკიდებული.
საქართველოში ნელ-ნელა დავიწყებას ეძლევა ძველი სტერეოტიპი იმის შესახებ, რომ მხოლოდ უცხოური ნაწარმია კარგი. ჩვენს თვალწინ ხდება ამ სტერეოტიპების მსხვრევა და ქართული ბრენდები მძლავრად იმკვიდრებენ ადგილს ქართულ და საერთაშორისო ბაზარზე. მათ შორის თვალსაჩინო ადილი უკავია საქკაბელს.
“რკინიგზის მიერ დაგეგმილ დიდი პროექტებს განხორციელებაში უდიდესი ადგილი უკავია საიმედო კონტრაქტორებს. საქკაბელმა ჩაანაცვლა რუსი პარტნიორები. რკინიგზის დაკვეთით კომპანია „საქკაბელმა“ დაამზადა საკონტაქტო ქსელის სადენები, რომელიც მანამდე მხოლოდ რუსეთში იწარმოებოდა. კერძოდ, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება. გვეამაყება, რომ საქკაბელის ხარისხი სრულად პასუხობს იმ სტანდარტებს, რომელსაც თანამედროვე რკინიგზა უნდა პასუხობდეს, საქკაბელი არის ყოველმხრივ საიმედო პარტნიორი”- აცხადებს თბილისი რკინიგზის ინფრასტრუქტურის წარმომადგენელიაკაკი საღირაშვილი.
შეგახსენებთ, რომ „საქკაბელი“ 1959 წელს დაარსდა. წარმოების რეაბილიტაცია ახალი მენეჯმენტის მიერ 2006 წლიდან დაიწყო და დღეს 74 ტიპის დასახელების 2000-ზე მეტი დასახელების ასორტიმენტს აწარმოებს. 2006-2007 წლებში ქარხანაში 3 მილიონი დოლარის ინვესტიცია განხორციელდა.
2007-2011 წლებში ქართული პროდუქციით რუსული და სხვა იმპორტული პროდუქციის ჩანაცვლება განხორციელდა: მოხდა საქართველოს ქალაქებისა და სოფლების გამრიცხველიანება, შეიცვალა გარე განათების სისტემა საქართველოს მსხვილ ქალაქებში, განხორციელდა საქართველოს რკინიგზისთვის სასიცოცხლოდ აუცილებელი სპეციფიკური კაბელების წარმოება, განხორციელდა ექსპორტი სომხეთის რესპუბლიკაში. საწარმოში დასაქმებულია 200 თანამშრომელი, რომელთა საშუალო ხელფასი 600 ლარს აღემატება.
მასალის გამოყენების პირობები
