დღეს, 27 მარტს, "საგზაო პოლიკლინიკისა" და "ქალთა კონსულტაცია - მომავალის" მფლობელი გამოვლინდება. "საგზაო პოლიკლინიკისა" და "ქალთა კონსულტაცია - მომავალის" საწყისი ღირებულება, რომელიც ერთ ლოტადაა გამოტანილი, 1 მლნ 200 ათას ლარს შეადგენს.
"საგზაო პოლიკლინიკის", დებიტორული დავალიანება, 2011 წლის 31 დეკემბრის მდგომარეობით 21012,36 ლარს შეადგენს, კრედიტორული დავალიანება - 20056,34 ლარს, ხოლო კაპიტალი 1027571,48 ლარს.
რაც შეეხება "ქალთა კონსულტაცია - მომავალს", მისი დებიტორული დავალიანება, 2012 წლის 1-ლი იანვრის მდგომარეობით 10804,65 ლარს შეადგენს, ხოლო კრედიტორული დავალიანება - 780,85 ლარს, კაპიტალი კი 96176 ლარს.
