მადრიდის საფეხბურთო კლუბი "რეალი" არაბეთის გაერთიანებულ საემიროებში კურორტს ააშენებს.
The Financial Times-ის ინფორმაციით, ინვესტიციის მოცულობა 1 მლრდ დოლარი იქნება.
პროექტის თანახმად, კურორტი სახელწოდებით, Real Madrid Resort Island-ი საემიროებში 2015 წლის იანვარში გაიხსნება. კურორტის მშენებლობა რას-ელ-ხაიმის საემიროს ადმინისტრაციის მხარდაჭერით განხორციელდება.
ახალი კურორტი, ხელოვნური ტბის გარშემო, 50 ჰექტარზე გაშენდება. ამ ტერიტორიაზევე მოეწყობა, 10 ათას მაყურებელზე გათვლილი ახალი სტადიონი, ორი ხუთვარსკვლავიანი სასტუმრო, პრემიუ-კლასი ვილები, სავაჭრო ცენტრები და იახტკლუბი. აქვე გაიხსნება "რეალის" მუზეუმი.
