ფინანსთა სამინისტროს მომსახურების სააგენტოში სტაჟიორთა შესარჩევი კონკურსი დაიწყო. ახალი კადრების მოზიდვისა და მათი პროფესიული განვითარების მიზნით სტაჟირების კონკურსი გამოცხადდა: ადმინისტრაციულ, იურიდიულ, ქონების განკარგვისა და მარკეტინგის სამსახურებში. ასევე, დასავლეთ საქართველოსა და სამცხე-ჯავახეთის რეგიონულ სამმართველოებში. შერჩეული კანდიდატები მომსახურების სააგენტოში სტაჟირებას ორი თვის განმავლობაში გაივლიან და მიიღებენ ანაზღაურებას თვეში 100 ლარის ოდენობით. სტაჟირების კონკურსის ორგანიზებას ფინანსთა სამინისტროს აკადემია ახორციელებს.
სტაჟიორთა შესარჩევი კონკურსი სამ ეტაპად ჩატარდება და კანდიდატები ზოგადი უნარებისა და ინტელექტუალური კოეფიციენტის შესამოწმებელ ტესტირებას გაივლიან. ბოლო ეტაპი კი გულისხმობს გასაუბრებას საკონკურსო კომისიასთან.
კონკურსში მონაწილეობის მსურველებს სავალდებულოა ჰქონდეთ შესაბამისი მიმართულების უმაღლესი განათლება, ან იყვნენ დამამთავრებელი კურსის სტუდენტები. იცოდნენ უცხო ენა და ფლობდნენ საოფისე კომპიუტერულ პროგრამებს.
მსურველთა განაცხადების მიღება, მიმდინარე წლის 5 აპრილის ჩათვლით, ფინანსთა სამინისტროს აკადემიაში იწარმოებს.
