საპარლამენტო ურმავლესობის ერთ-ერთი ლიდერი აკაკი მინაშვილი მიიჩნევს, რომ ბიძინა ივანიშვილს საქართველოს მოქალაქეობა არ უნდა აღუდგეს. ამის შესახებ მან კოალიცია "ქართული ოცნების" პრესსპიკერის მაია ფანჯიკიძის განცხადების კომენტირებისას აღნიშნა, რომლის თანახმადაც, ხელისუფლება ბიძინა ივანიშვილისთვის საქართველოს მოქალაქეობის არმინიჭებას ვერ გაბედავს.
მინაშვილი კიდევ ერთხელ შეახსენებს საზოგადოებას, რომ ივანიშვილმა საკუთარი სურვილით, საქართველოს მოქალაქერობაზე ორჯერთქვა უარი.
"მოქალაქეობის აღდგენა რა თქმა უნდა ჩემი უფლებამოსილება არ არის. თუმცა, საზოგადოებას მინდა კიდევ ერთხელ შევახსენო, რომ ბიძინა ივანიშვილმა საკუთარი სურვილით და საკუთარი ინიციატივით საქართველოს მოქალაქერობაზე ორჯერ უარი თქვა, უარი თქვა ძალიან ღირებულ პრივილეგიაზე - იყო საქართველოს მოქალაქე, ერთხელ რუსეთის მოქალაქე, მეორედ კი საფრანგეთის მოქალაქე გახდა. ამით მისი არჩევანი ძალიან კარგად გამოიკვეთა. ჩემი ნება, რომ იყოს მას საქართველოს მოქალაქეობას არ აღვუდგენდი", - განაცხადა დეპუტატმა.
როგორც დღეს გამართულ ტრადიციულ ბრიფინგზე მაია ფანჯიკიძემ განაცხადა, 5 აპრილს ხელისუფლება კოალიციის ლიდერის ბიძინა ივანიშვილისთვის საქართველოს მოქალაქეობის არმინიჭებას ვერ გაბედავს. "ბიძინა ივანიშვილისთვის მოქალაქეობის მინიჭებას მის მხარდამჭერთა უპრეცედენტო რაოდენობა განაპირობებს, კერძოდ - ის ასიათასობით ხელმოწერა, რომელიც მათი მხრიდან შეგროვდა"- აღნიშნა ფანჯიკიძემ.