,,ხელისუფლება ფიქრობს, რომ ალასანიას მიერ მოპოვებული ინფორმაციის წყარო არის სწორედ სერგო ჩაჩიბაია", _ განაცხადა ჟურნალისტებთან ,,ქართული ოცნების" პრეს-სპიკერმა მაია ფანჯიკიძემ.
მისივე თქმით, ,,თავისუფალი დემოკრატების" მხარდამჭერის დაკავება სწორედ ირაკლი ალასანიას მიერ გავრცელებულ განცხადებას, დასავლეთ საქართველოში შეიარაღებული ფორმირებების შექმნას უკავშირდება.
"გუშინ გავრცელდა ინფორმაცია, რომ დააკავეს სერგო ჩაჩიბაია, ,,თავისუფალი დემოკრატების" მხარდამჭერი. ჩვენ გვაქვს საფუძვლიანი ეჭვი ვიფიქროთ, ეს დაკავება კავშირშია ალასანიას განცხადებასთან, რადგან ხელისუფლება ფიქრობს, რომ ალასანიას მიერ მოპოვებული ინფორმაციის წყარო არის სწორედ სერგო ჩაჩიბაია.", _ განაცხადა მაია ფანჯიკიძემ.
შეგახსენებთ, თავისუფალი დემოკრატების" წევრი სერგო ჩაჩიბაია ზუგდიდში დააკავეს.
,,სერგო ჩაჩიბაიას ქუჩაში ორმა უცნობმა პირმა სიტყვიერი შეურაცხყოფა მიაყენა და მან საპასუხო ქმედებებით უპასუხა, რა დროსაც მოხდა მისი დაკავება. Aამჟამად, ჩვენთვის უცნობია სად იმყოფება, რადგან ის ზუგდიდის პოლიციის არც ერთ განყოფილებაში არა არის. ადვოკატს მისი დაცვის საშუალება არ ეძლევა. ეს არის პროვოკაცია და ხელისუფლების მხრიდან პოლიტიკური ანგარიშსწორება", _ განაცხადა ,,ჯი-ეიჩ-ენთან" პარტიის გენერალურმა მდივანმა ირაკლი ჩიქოვანმა.