საქართველოს პრეზიდენტი მიხეილ სააკაშვილი სამხრეთ კორეის დედაქალქში, სეულში იმყოფება.
საქართველოს პრეზიდენტი მონაწილეობას მიიღებს ბირთული უსაფრთხოების სამიტში, რომელსაც მსოფლიოს 50 ქვეყნის ლიდერი დაესწრება.
პრეზიდენტმა უკვე გამართა რამდენიმე ორმხრივი შეხვედრა.
ფორუმის მიმდინარეობის ფარგლებში დაგეგმილია შეხვედრები როგორც სხვადასხვა ქვეყნების ლიდერებთან ასევე საერთაშორისო ორგანიზაციების წარმომადგენლებთან.
პრეზიდენტი, სავარუდოდ, სამხრეთ კორეის ბიზნეს წრეების წარმომადგენლებსაც შეხვდება და მათ საქართველოს ეკონომიკურ პოტენციალს და ინვესტიციების განხორციელების პერსპექტივებს გააცნობს.
მსოფლიო ლიდერები სეულში ბირთული უსაფრთხოების სამიტზე დასასწრებად მეორე დღეა იკრიბებიან.
აშშ-ს პრეზიდენტი ბარაკ ობამა უკვე ჩავიდა სამხრეთ კორეაში და რამდენიმე შეხვედრაც გამართა.
სეულში იმყოფება გაეროს გენერალური მდივანი პანგი მუნიც, რომელმაც სამხრეთ კორეის პრეზიდენტთან და სხვა ლიდერებთან გამართა შეხვედრები.
სამიტის მთავარი თემები ბირთული მასალებით უკანონო ვაჭრობის აღკვეთა და მათი დაცვა იქნება.
სამიტის ფარგლებში ლიდერები სეულში ორმხრივ შეხვედრებსაც გამართავენ.
