15 ივნისიდან ბელორუსული ავიაკომპანია „ბელავია" ბათუმი-მინსკის ავიარეისებს ყოველდღიურად შეასრულებს. ავიაკომპანიის ინფორმაციით, „ბელავია" 25 მარტიდან 27 ოქტომბრამდე მუშაობის ზაფხულის რეჟიმზე გადადის და მუშაობის განგრიგს ცვლის. „ბელავიაში" განმარტავენ, რომ ზაფხულის დადგომასთან ერთად ავიაკომპანია სხვადასხვა მიმართულებით სიხშირეს გაზრდის. უკვე ცნობილია რომ „ბელავია" სიხშირეებს გაზრდის პარიზის, თელ-ავივის, თეირანის, აშხაბადის, სანკტ-პეტერბურგის, ბაქოსა და სხვა მიმართულებებით. იმავდროულად „ბელავია" 3 ივნისიდან ახალ მიმართულებას ამატებს და მინსკი-ნოვოსიბირსკი-მინსკის მიმართულებით იფრენს.
შეგახსენებთ, რომ „ბელავიამ" ბათუმის მიმართულებით რეგულარული რეისების შესრულება 2010 წლის 15 სექტემბრიდან დაიწყო.
