კომპანიაში განმარტავენ, რომ იორდანიის მიმართულებით ტურისტების გადაყვანას, იორდანული ავიაკომპანია "ჯორდან ავიაშენი" ჩარტერული ავიარეისებით განახორციელებს და ტურისტებს შესაძლებლობა მიეცემათ იორდანიასთან ერთად სურვილისამებრ ისრაელი, საუდის არაბეთი და ბაჰრეინი მოინახულონ.

ჩარტერული რეისები ყოველ ათ დღეში, 150 კაციანი ავიაბორტით შესრულდება და "მოგზაურთა კლუბის" მენეჯმეტის გათვლებით, რეისები მთლიანად დატვირთული იქნება.

"მოგზაურთა კლუბის" დირექტორი ზურაბ ვარშალომიძე სააგენტო "ჯი-ეიჩ-ენთან" საუბრისას განმარტავს, რომ იორდანიაში ტურისტების მომსახურებას მათი იორანიელი პარტნიორი, ოირდანული ტურისტული კომპანია "არტისტ ტური" განახორციელებს.

"იორდანია არის ძალიან საინტერესო ქვეყანა, თავისი ისტორიული წარსულითა და უამრავი ისტორიული ძეგლით. იმავდროულად ის ესაზღვრება ისრაელს, ლიბანს, ეგვიპტეს და სხვა ქვეყნებს. იორდანია ძალიან საინტერესო ქვეყანაა. იორდანიის მიმართულებით 6 აპრილს სააღდგომო ტური განხორცილდება, ანუ იორდანია-ისრაელის მიმართულებით. ასევე, ქართველ მომხმარებელს დასვენებას ვთავაზობთ წითელ ზღვაზე. ტურების ფარგლებში დაგეგმილია შემეცნებითი ექსკურსიებიც. მომხმარებელს ვთავაზობთ სამკურნალო დასვენებასაც. ქართველ მომხმარებლებს ვთავაზობთ ასევე იორდანია-ისრაელი, იორდანია-ლიბანის მიმართულებებს. ბეირუთი ერთ-ერთი ულამაზესი ქალაქია ახლო აღმოსავლეთში და და ზოგიერთი მას ახლო აღმოსავლეთის პარიზსა და ამსტერდამსაც კი ეძახის", - აცხადებს ზურაბ ვარშალომიძე.

"მოგზაურთა კლუბის" ხელმძღვანელი განმარტავს, რომ იორდანიის მიმართულებით ტურები საკმაოდ იაფია და 1 ტურისტისთვის 10 დღიანი ტურისტული პაკეტის ღირებულება 950 დოლარიდან იწყება და ამ ფასსში შედის სხვადასხვა ექსკურსიები ორ ქვეყანაში, სასტუმრო, კვება.

"საქართველოში ბევრი ისლამის მიმდევარი ცხოვრობს და მათ ვთავაზობთ ტურს იორდანია-საუდის არაბეთს, ეს არის მოსალოცი ტურები.
იორდანიაში არის შესანიშნავი დასასვენებელი ადგილი აქაბა, სადაც ადამიანი წითელ ზღვაზე დასვენებას შეძლებს, ასევე არის დაივინგი, საფარი, უდაბნოს ნახვა. პეტრა, ამანი - იორდანიაში ძალიან საინტერესო ადგილებია და ვფიქრობთ, რომ ქართველი მოგზაურებისთვის ეს ახალი მიმართულებაა და საინტერესოც იქნება", - აცხდებს "მოგზაურთა კლუბის" ხელმძღვანელი.

ზურაბ ვარშალომიძე აცხადებს, რომ იორდანიის მიმართულებაზე მოთხოვნა იქნება სომხეთიდან და აზერბაიჯანიდან. სამომავლოდ "მოგზაურთა კლუბი" საქართველოში იორდანიელი ტურისტებისა და სტუდენტების ჩამოყვანას გეგმავს.

"ვფიქრობთ, რომ ტურებზე დიდი დაინტერესება იქნება აზერბაიჯანიდან და სომხეთიდან. ვმუშაობთ ასევე იმაზე, რომ საქართველოში იორდანიიდან ტურისტები შემოვიყვანოთ. მათ ძალიან აინტერესებთ მთიანეთი, აინტერესებთ ასევე ზამთრის კურორტები და სხვათა შორის შავ ზღვაზე დასვენებაც.

იორდანიისათვის საინტერესო იქნება ასევე საქართველოში სასწავლო პროგრამები და ჩვენ ამაზეც ვმუშაობთ, რომ, ისინი ჩამოვიდნენ და აქ ისწავლონ", - აცხადებს ვარშალომიძე.

"მოგზაურთა კლუბის" ხელმძღვანელის განმმარტებით იორდანიელი ტურისტებისთვის საქართველოში ყველაზე მიმზიდველი ტექნიკური და სამედიცინო მიმართულებებია.

აღსანიშნავია, რომ 2011 წელს "მოგზაურთა კლუბი" 6000-მდე ტურისტს მოემსახურა და როგორც კომპანიის მენეჯმენტს იმედი აქვს, რომ ახალი ტურისტული მიმართულებების დამატებით ტურისტების რაოდენობა 2012 წლისთვის კიდევ უფრო გაიზრდება.