საქართველოს საგარეო საქმეთა სამინისტრო შეშფოთებით ადევნებს თვალყურს ევროკავშირისა და ბელარუსის ურთიერთობებში არსებული დაძაბული მდგომარეობის კიდევ უფრო გაუარესების ტენდენციას.
”საქართველოს საგარეო საქმეთა სამინისტროს აუცილებლად მიაჩნია სასწრაფოდ განხორციელდეს მაქსიმალური ძალისხმევა ორმხრივი დიპლომატიური დიალოგისა და პირდაპირი კონტაქტების ინტენსიფიკაციის მიზნით, რათა მოხდეს დაძაბულობის შემდგომი ესკალაციის თავიდან აცილება და შემუშავდეს არსებული პრობლემების გადაჭრის გზები.
საქართველო დიდ მნიშვნელობას ანიჭებს აღმოსავლეთ ევროპული ქვეყნების ევროკავშირთან თანამშრომლობის გაღრმავების პერსპექტივებს „აღმოსავლეთ პარტნიორობის" ფარგლებში და აღნიშნული ინიციატივის ფორმატში ურთიერთობების შემდგომ გაგრძელებას თითოეულ პარტნიორ ქვეყანასთან როგორც ორმხრივ, ასევე მრავალმხრივ განზომილებაში”, - ნათქვამია საგარეო უწყების განცხადებაში.