საქართველოს საგარეო საქმეთა მინისტრმა გრიგოლ ვაშაძემ საქართველოში, სომხეთსა და აზერბაიჯანში წმიდა საყდრის ნუნციუსი, საქართველოში აკრედიტებული დიპლომატიური კორპუსის დუაენი, მონსინიორ მარეკ სოლჩინსკი მიიღო.
შეხვედრა გაცნობით ხასიათს ატარებდა.
"მხარეებმა განიხილეს საქართველო-ვატიკანის ორმხრივი ურთიერთობები და საქართველოში აკრედიტებულ დიპლომატიურ კორპუსთან დაკავშირებული აქტუალური საკითხები. მინისტრმა მადლობა მოახსენა ნუნციუსს ვატიკანის მხრიდან საქართველოს მხარდაჭერისათვის და უსურვა წარმატებები მომავალ საქმიანობაში. თავის მხრივ, მონსინიორ მარეკ სოლჩინსკიმ გამოხატა მზადყოფნა ხელი შეუწყოს ორ სახელმწიფოს შორის ორმხრივი და მრავალმხრივი ურთიერთობების გაღრმავებას", - იუწყება საქართველოს საგარეო უწყება.