"აფხაზების განცხადებები არ წამიკითხავს და საოკუპაციო რეჟიმის გამონათქვამებზე კომენტარის გაკეთებას არ ვაპირებ", _ ეს განცხადება საქართველოს საგარეო საქმეთა მინისტრმა გრიგოლ ვაშაძემ სეპარატისტული აფხაზეთის ე.წ. საგარეო საქმეთა სამინისტროს მიერ გავრცელებული განცხადების კომენტირებისას გააკეთა.
განცხადებაში აფხაზი სეპარატისტები "თავისუფალი დემოკრატების" ერთ-ერთი ლიდერის, ირაკლი ალასანიას განცხადებასთან დაკავშირებით აცხადებენ, რომ "სერიოზულ შეშფოთებას გამოთქვამენ საქართველოში უკანონო შეიარაღებული ფორმირებები შექმნასთან დაკავშირებით და იმის გამოც, რომ მათი დისლოკაციის ადგილი აფხაზეთის საზღვრების უშუალო სიახლოვეს მდებარეობს".
"რაც შეეხება იმ ცილისწამებას, რაც ზოგიერთი ოპოზიციური ფიგურისგან მოდის, ამაზე თავდაცვის მინისტრმა ბაჩო ახალაიამ ამომწურავი პასუხი გასცა. ჯობს ამ შიზოფრენიულ ბოდვას თავი დაანებონ, მით უმეტეს, რომ ამის არანაირი მტკიცებულება არ არსებობს, გარდა იმისა, რაც საქართველოს მთავრობის პირით თავდაცვის მინისტრმა გააკეთა", _ განაცხადა საქართველოს საგარეო საქმეთა მინისტრმა.
