აჭარის მთავრობამ ქობულეთში სუპერთანამედროვე სავაჭრო ცენტრის მშენებლობისთვის ინვესტორი ვერ მოიძია. აჭარის ფინანსთა და ეკონომიკის სამინისტროს ინფორმაციით, დღეს გამართულ აუქციონზე ვაჭრობა არ შედგა და
ქობულეთში თავისუფლების ქ.№19-ში მდებარე 1660 კვ.მ არასასოფლოსამეურნეო დანიშნულების მიწის ნაკვეთი და მასზე განლაგებული 704,1 კვ.მ. შენობა-ნაგებობა ისევ სახელმწიფოს საკუთრებაში დარჩა.
ობიექტის საწყისი ღირებულება პირობებიან აუქციონზე 200 ათასი ლარი იყო. ინვესტორი ვალდებული იყო 2013 წლის 30 დეკემბრამდე არსებული შენობა-ნაგებობის რეაბილიტაცია განახორციელებინა და იმავდროულად რეაბილიტირებულ შენობაში სავაჭრო ცენტრი განათავსებინა.
