"ბუნებრივი რესურსების სააგენტომ" სასარგებლო წიაღისეულის სარგებლობის მიზნით 1 მლნ. ლარამდე ღირებულების ლიცენზიები გაასხვისა.
ენერგეტიკისა და ბუნებრივი რესურსების სამინისტროს სსიპ "ბუნებრივი რესურსების სააგენტოს" ინფორმაციით, 15 მარტს გამართულ აუქციონზე გასაყიდად გამოტანილი იყო 25 ობიექტი, საერთო საწყისი ღირებულებით 360 740 ლარი. აუქციონზე 22 სალიცენზიო ობიექტი გაიყიდა, ხოლო აუქციონიდან შემოსულმა თანხამ 973 534 ლარი შეადგინა.