2012 წლის თებერვლში უძრავი ქონების ბაზარზე სარეგისტრაციო ტრანზაქციათა რაოდენობამ ქვეყნის მასშტაბით 34 978 ერთეული შეადგინა. საჯარო რეესტრის ეროვნული სააგენტოს ინფორმაციით, თებერვალი 2007-2011 წლების იმავე თვესთან შედარებით უპირატესი ზრდით გამოირჩევა: 2007 წლის თებერვალთან (25 316 ერთეული სარეგისტრაციო ტრანზაქცია) შედარებით - ზრდა 38.2%-ით, 2008 წლის თებერვალთან (29 539 ერთეული სარეგისტრაციო ტრანზაქცია) შედარებით - ზრდა 18.4%-ით, 2009 წლის თებერვალთან (26 617 ერთეული სარეგისტრაციო ტრანზაქცია) შედარებით - ზრდა 31.4%-ით, 2010 წლის თებერვალთან (29 729 ერთეული სარეგისტრაციო ტრანზაქცია) შედარებით - ზრდა 17.7%-ით და 2011 წლის თებერვალთან (35 969 ერთეული სარეგისტრაციო ტრანზაქცია) შედარებით - კლება 2.8%-ით.
წინა თვესთან შედარებით სარეგისტრაციო ტრანზაქციების რაოდენობა 7.8%-ით გაიზარდა: პირველადი სარეგისტრაციო ტრანზაქციების 7.3%-იანი კლება დააბალანსა მეორადი სარეგისტრაციო ტრანზაქციების 11.0%-იანმა ზრდამ.
2012 წლის თებერვლში წინა თვესთან შედარებით სარეგისტრაციო ტრანზაქციების თვის ინდექსიც (დეკემბერი 2007=100) გაიზარდა და დაფიქსირდა 1.128 დონეზე, რაც წინა წლის იმავე თვის ინდექსს (1.160) უმნიშვნელოდ ჩამორჩება.
საჯარო რეესტრის ეროვნულ სააგენტოში განმარტავენ, რომ უძრავი ქონების პირველადი და მეორადი ბაზრები შემცირდა წინა წლის იმავე თვესთან
შედარებით (შესაბამისად 14.5%-ით და 0.3%-ით). 2012 წლის თებერვლის თვეში პირველადი სარეგისტრაციო ტრანზაქციების რაოდენობამ - 5 330, ხოლო მეორადი სარეგისტრაციო ტრანზაქციების რაოდენობამ - 29 648 ერთეული შეადგინა; სარეგისტრაციო ტრანზაქციების თვის ინდექსი (დეკემბერი 2007=100) კი პირველადი და მეორადი სარეგისტრაციო ტრანზაქციების მიხედვით შესაბამისად 0.573 და 1.366 დონეებზე დაფიქსირდა.
რაც შეეხება პირველად და მეორად სარეგისტრაციო ტრანზაქციებს შორის თანაფარდობას, უმნიშვნელოდ გაიზარდა მეორადი სარეგისტრაციო ტრანზაქციების წილი: თებერვალში განხორციელებული სარეგისტრაციო ტრანზაქციების 84.8%-ს მეორადი, ხოლო 15.2%-ს - პირველადი სარეგისტრაციო ტრანზაქციები შეადგენდნენ (2011 წლის თებერვალში კი - შესაბამისად 82.7% და 17.3%).