ქართველი დეპუტატები რუსი სამართალდამცველების მიერ სამარაში მოკლული 19 წლის ქართველი ახალგაზრდის მკვლელობასთან დაკავშირებით საერთაშორისო თანამეგობრობისთვის სპეციალურ მიმართვას მოამზადებენ.
,,კომიტეტი ძალიან აქტიურად სწავლობს ახალ გარემოებეს, რომელიც აღმოჩენილი იქნა ამ ადამიანის დამახინჯებასთან დაკავშირებით, მისი სხეულის დამახინჯებასთან დაკავშირებით. ჩვენ ვგეგმავთ უახლოეს დღეებში შევხვდეთ მისი ოჯახის წევრებს და ერთობლივად შევიმუშაოთ ის გეგმა, რომლის მიხედვითაც გვინდა ვაცნობოთ საეთთაშორისო თანამეგობრობას ამ მკვლელობის შესახებ, რათა მონიტორინგი განახორციელონ", _ განაცხადა უმრავლესობის ერთ-ერთმა ლიდერმა ნუგზარ წიკლაურმა.
შეგახსენებთ, ამ დრომდე რუსი სამართალდამცველები ფაქტების დამალვას ცდილობდნენ და გარდაცვლილის ოჯახს ემუქრებოდნენ, თუმცა ექსპერტიზამ დაადგინა, რომ წარმოშობით ქართველი ახალგაზრდა 2011 წლის 10 ნოემბერს სამარაში პოლიციელებმა ცემით მოკლეს.
