დღეს, 22 მარტს 10:00 საათზე ფინანსთა სამინისტროში საქართველოსა და მსოფლიო ბანკს შორის გაფორმდება "შიდასახელმწიფოებრივი და ადგილობრივი გზების მეორე პროექტის" დაფინანსებისა და სასესხო ხელშეკრულებები.
ფინანსთა სამინისტროს ინფორმაციით, ხელშეკრულებებს ხელს მოაწერენ საქართველოს მხრიდან ფინანსთა მინისტრი დიმიტრი გვინდაძე, მსოფლიო ბანკის მხრიდან - სამხრეთ კავკასიის რეგიონული დირექტორი ასად ალამი.
ხელმოწერის ცერემონიას ასევე დაესწრება რეგიონული განვითარებისა და ინფრასტრუქტურის მინისტრი რამაზ ნიკოლაიშვილი.