ქობულეთში სუპერთანამედროვე სავაჭრო ცენტრის მშენებლობა იგეგმება, რისთვისაც აჭარის მთავრობა ინვესტორს უკვე ეძებს. აჭარის ფინანსთა და ეკონომიკის სამინისტროს ინფორმაციით, 22 მარტისთვის ჩანიშნულ აუქციონზე ქობულეთში, თავისუფლების ქ.№19-ში მდებარე 1660 კვ.მ არასასოფლო-სამეურნეო დანიშნულების მიწის ნაკვეთი და მასზე განლაგებული 704,1 კვ.მ. შენობა-ნაგებობა პირობებიან, ელექტრონულ აუქციონზე იგეგმება. ობიექტის საწყისი ღირებულება 200 ათასი ლარია.
აუქციონის პირობების თანახმად, ინვესტორი ვალდებულია 2013 წლის 30 დეკემბრამდე არსებული შენობა-ნაგებობის რეაბილიტაცია განახორციელოს და იმავდროულად რეაბილიტირებულ შენობაში სავაჭრო ცენტრი განათავსოს და სავაჭრო ობიექტის ტერიტორია კეთილმოაწყოს.
