"დღეიდან "გუდვილის" საბურთალოს ფილიალში მომხმარებელს შესაძლებლობა ეძლევა "პანორამა ბუფეტში" დაისვენოს და 100-მდე დასახელების პროდუქტი მიირთვას. ეს არის ევროპული ტიპის, კომბინირებული სამზარეულო და მომხმარებელს საშუალება ეძლევა დააგემოვნოს, როგორც სხვადასხვა სახელების პიცა, ასევე სხვადასხვა სახის დესერტები. ძალიან დიდი არჩევანია ყავისა და ნამცხვრების მიმართულებით. საინტერესო კომპლექსია, რადგანაც დეკორაცია და ინტერიერი ხელითაა შექმნილი. ადგილზე დასაქმდა 30 ადამიანი და "გუდვილში" შოპინგის შემდეგ ძალიან კარგი რელაქსაციაა. აქვეა ბავშვთა გასართობი კუთხეც და მომხმარებელს საშუალება ექნება, რომ სხვადასხვა სახის კერძი მიირთვას და თან ბავშიც გაართოს"- განაცხადა "გუდვილის" საზოგადოებასთან ურთიერთობის მენეჯერი ნატალია დარჩიაშვილი.
"პანორამა ბუფეტის" სამზარეულო კომბინირებულია და მსურველებს შესაძლებლობა აქვთ მიირთვან როგორც იტალიური პიცები და პასტები, ასევე ფრეშ სალათები, აპეტაიზერები, ცივი და ცხელი კერძები, სენდვიჩები, საკონდიტრო ნაწარმი, ადგილზე გააკეთოთ არჩევანი ყველაზე არომატულ ყავასა და დესერტებს შორის, ან ისარგებლოთ "Take Away"-ს სერვისით.
"გუდვილის" მენეჯმენტის განმარტებით, დასაქმებული ადამიანებისთვის გათვალისწინებულია Lunch Menu-სპეციალური შეთავაზება, რომელიც მოიცავს კრემ სუპს, ხორციან კერძს თავისი გარნირით და სასმელს. Lunch Menu-ს შეკვეთა მომხმარებელს 11:30დან 14:30-მდე შეეძლება.
"პანორამა ბუფეტი" ჩვენი მომხმარებლისთვის უკვე ნაცნობი ბრენდია. ჩვენ "ქარვალსაშიც" ვართ წარმოდგენილნი და ამჯერად ქავთარაძის "გულვილშიც" შემოვედით. მენიუში შეტანილია ის კერძები, რომელიც ჩვენს მომხმარებელს აინტერესებდა და მოსწონდა. ამასთან ერთად გვექნება "ლანჩმენიუს" ხაზი, რადგანაც ძალიან ვერი შესვენებისას ოფისიდან გამოდის და სურთ, რომ სწრაფად მიირთვან. დაბალი ფასი იქნება და ძალიან კარგი მომსახურეობა"- აღნიშნა "პანორამა ბუფეტის" გახსნისას "გუდვილის" წარმოების ხელმძღვანელმა ლია კანდელაკმა.
როგორც "გუდვილში" აცხადებენ, "პანორამა ბუფეტი" "გუდვილის" პირველი კაფეა საბურთალოზე, მომავალში კი მსგავსი კაფეები კომპანიის სხვა ჰიპერმარკეტებშიც მოეწყობა.