ერგნეთში ინციდენტების პრევენციისა და მათზე რეაგირების სამუშაო ჯგუფის 21-ე შეხვედრა დასრულდა. შეხვედრაზე მხარეებმა უსაფრთხოების საკითხებზე შეთანხმების მიღწევა შეძლეს, რომელიც გაზაფხულის დადგომასთან და სასოფლო-სამეურნეო სამუშაოებთან არის დაკავშირებული.
გადაწყდა, რომ სადავო ტერიტორიების ნაწილებს ის ფერმერები დაამუშავებენ, რომლებიც მათ ადრე ამუშავებდნენ, მიუხედავად მათი მოქალაქეობისა.
შეხვედრაზე ოსურმა მხარემ აღინიშნა, რომ არსებული საზღვრების დარღვევის პროცესი გრძელდება.
"ინციდენტების პრევენციის ბოლო შეხვედრიდან ანუ 21 თებერვლიდან დაფიქსირებულია საზღვრის დარღვევის 9 შემთხვევა. უმეტესი მათგანი კი საქართველოს მოქალაქეების მიერ არის განხორციელებული", _ იუწყება ოსური მხარე. მათი ინფორმაციით, დაკავებული 12 ადამიანიდან 7 ქართველია. ოსური მხარე აღნიშნავს, რომ არც ერთ ამ შემთხვევაზე სისხლის სამართლის საქმე აღძრული არ არის.
ინციდენტების პრევენციისა და მათზე რეაგირების სამუშაო ჯგუფის მორიგი შეხვედრა 30 აპრილს გაიმართება.
