პრემიერ-მინისტრ ნიკოლოზ გილაურის განცხადებით, რეგიონებში მცხოვრები შეზღუდული შესაძლებლობის მქონე 5-იდან 18 წლამდე ასაკის ბავშვები სახელმწიფო დაზღვევას მიიღებენ. ამის შესახებ მან პარლამენტის დღევანდელ რიგგარეშე სხდომაზე სამთავრობო პროგრამის წარდგენისას განაცხადა, რისთვისაც "ქრისტიან-დემოკრატების" წევრმა მაგდა ანიკაშვილმა მას მადლობა გადაუხადა.
"ქრისტიან-დემოკრატები" რამდენიმე ხანია, რაც აღნიშნული წინადადებით მიმართავენ მთავრობას.
გილაურმა ხაზი გაუსვა, რომ მიმდინარე წელს ჯანდაცვის სადაზღვევო ვაუჩერს ყველა ღარიბი და სოციალურად დაუცველი მოქალაქე მიიღებს, ასევე დაზღეული იქნება ყველა პენსიონერი და 0-იდან 5 წლამდე ასაკის ბავშვი.
"ეს იმას ნიშნავს, რომ ყოველი მეორე მოქალაქე იქნება დაზღვეული", - დასძინა პრემიერ-მინისტრმა.