ლაზიკის ეკონომიკური ზონის შესახებ კანონპროექტი მალე მომზადდება. ამის შესახებ მთავრობის განახლებულ პროგრამაშია ნათქვამი, რომელიც დეპუტატებს დაურიგდათ.
"განსაკუთრებული მნიშვნელობა აქვს ლაზიკას აშენებას, განსაკუთრებული მნიშვნელობა აქვს სპეციალური ეკონომიკური ზონების შექმნას, მათ შორის თავად ლაზიკის ეკონომიკურ ზონას", - ნათქვამია მთავრობის პროგრამაში - "ერთიანი საქართველო სიღარიბის გარეშე".
პრემიერ-მინისტრმა ნიკოლოზ გილაურმა დღეს პარლამენტში, თავის ძირითად გამოსვლაში, ლაზიკის შესახებ საუბარი ვერ მოასწრო.