„საქსტატის" ინფორმაციით, 2011 წელს, წინასწარი მონაცემებით, საგრძნობლად გაიზარდა ასევე საგამომცემლო საქმიანობა. ამ საქმიანობების ზრდამ განაპირობა მთლიანად დამამუშავებელი მრეწველობის მაღალი რეალური ზრდის ტემპები (14,3 პროცენტი).

აღსანიშნავია, რომ სამწლიანი კლების შემდეგ სოფლის მეურნეობის სფეროში პირველად დაფიქსირდა მთლიანი შიდა პროდუქტის რეალური ზრდა (5,5 პროცენტი).

ტურისტულ მომსახურებაზე გაზრდილმა მოთხოვნამ სასტუმროების, რესტორნებისა და სატრანსპორტო მომსახურების სფეროებში მთლიანი შიდა პროდუქტის მნიშვნელოვანი ზრდა განაპირობა.

შეგახსენებთ, რომ „საქსტატის" ინფორმაციით, 2011 წლის წლიური მთლიანი შიდა პროდუქტის რეალურმა ზრდამ 2010 წლის მიმართ 7,0 პროცენტი შეადგინა, ხოლო დეფლატორის ზრდამ 9,2 პროცენტი. 2011 წელს მთლიანი შიდა პროდუქტის მაჩვენებელმა მიმდინარე ფასებში 24 229,1 მლნ. ლარი შეადგინა, რაც 16,8 პროცენტით მეტია წინა წლის ანალოგიურ მაჩვენებელზე.