პრემიერ-მინისტრის ნიკა გილაურის მტკიცებით, საქართველოს მთელ მსოფლიოში ყველაზე დაბალი საგარეო ვალი აქვს.
როგორც გილაურმა პარლამენტში სამტავრობო პროგრამის წარდგენისას განაცხადა, საგარეო ვალზე საუბარი ნომინალურ ციფრებში, არ შეიძლება.
მისი თქმით, ხშირად ამბობენ, რომ საქართველოს მაღალი საგარეო ვალი აქვს, თუმცა რეალურად, მთელ მსოფლიოში ეს ვალი საქართველოს ყველაზე დაბალი აქვს.
გილაურის განცხადებით, აშშ-სთვის 600 მილიარდი დოლარიანი საგარეო ვალი არაფერს წარმოადგენს, საქართველოსთვის კი დამღუპველი იქნებოდა.
,,საგარეო ვალი იზომება მთლიან შიდა პროდუქტთან მიმართებაში. საქართველოში საგარეო ვალი მშპ-სთან მიმართებაში 31 % იყო, რაც ერთ-ერთი დაბალი მაჩვენებელია. ევრპოკავშირის ქვეყნებისთვის 60 %-იანი საგარეო ვალი მისაღებ დონედ ითვლება, საქართველოში კი ეს 31 % - ია, რომელიც მცირდება კიდეც. 2012 წლის ბოლოს ეს მაჩვენებლი, 30%-ზე დაბლა ჩამოვა,, - განაცხადა გილაურმა და აქვე ადასძინა, რომ საქართვეოლოს საგარეო ვალის მომსახურება მსოფლიოში ყველაზე იაფი- 2% უჯდება.
პარლამენტმა დღეს მთავრობის განახლებულ შემადგენლობას ნდობა უნდა გამოუცხადოს.