საქართველოს პრემიერ-მინისტრის ნიკა გილაურის მტკიცებით, ინფრასტრუქტურის განვითარების პროექტებში ათასობით დამატებითი სამუშაო ადგილი შეიქიმნება.
როგორც მან პარლამენტის დღევანდელ პლენარულ სხდომაზე სამთავრობო პროგრამის წარდგენისას განაცხადა, მიმდინარე წელს საგზაო ინფრასტრუქტუირაში 30 ათასი, წყალმომარაგების ინფრასტრუქტურაში 20 ათასი, ჰიდროენერგეტიკაში 13 ათასზე და რკინიგზაში 8 ათასზე მეტი ადამიანი დასაქმდება.
ნიკა გილაურის მტკიცებითვე, გასულ წელს უმუშევრობის მაჩვენებელი 16, 2 % - დან 15, 2 %-მდე შემცირდა.
გილაურმა აქვე აღნიშნა, რომ მხოლოდ ჰესების მშენებლობაში 2,5 მილიარდი დოლარის ინვესტიცია განხორციელდება. ხოლო ამ დროისათვის 15 ჰესის მშენებლობა უკვე მიმდინარეობს.
დღეს პარლამენტმა მთავრობის განახლებულ შემადგენლობას ნდობა უნდა გამოუცხადოს.