პრემიერ-მინისტრმა ნიკა გილაურმა დეპუტატებს საერთაშორისო საფინანსო კორპორაციის კვლევის წინასწარი შედეგები გააცნო.
როგორც მან პარლამენტის დღევანდელ პლენარულ სხდომაზე, სამთავრობო პროგრამის წარდგენისას განაცხადა, რამდენიმე დღის წინ, საერთაშორისო საფინანსო კორპორაციამ, რომელიც მსოფლიო ბანკის შვილობილი კორპორაციაა, საქართველოში კომპანიების კვლევა ჩაატარა.
მისი თქმით, საქართველოში 1000-ზე მეტი მცირე, საშუალო და მსხვილი კომპანია იყო გამოკვლეული.
,,ოფიციალურად ამ კვლევების პრეზენტაცია მომავალ კვირას შედგება. ამ კვლევების თანახმად, კითხვაზე - კორუფციასთან შეხება გქონიათ თუ არა, გამოკითხული კომპანიების 0,11 პროცენტმა თქვა, რომ მათ კორუფციასთან შეხება ჰქონდათ, ანუ 99, 9 პროცენტმა თქვა, რომ არანაირი შეხება კორუფციასთან არ ჰქონია,, - განაცხადა გილაურმა და დასძინა, რომ გამოკითხვის თანახმად, კომპანიების უმრავლესობას კორუფციის შესახებ არც კი სმენიათ.
„ეს არის რეალობა, რომელიც დღეს მსოფლიო ბანკმა და საერთაშორისო საფინანსო ორგანიზაციებმა დაინახა. სწორედ ამიტომ იქცა საქართველო რეფორმების ექსპორტიორი" - არნიშნა გილაურმა.