პრემიერ-მინისტრი ნიკა გილაურის მტკიცებით, საქართველოს ეკონომიკა რუსეთის ეკონომიკაზე, ორჯერ უფრო სწრაფად იზრდება.
როგორც მან პარლამენტის დღევანდელ რიგგარეშე სხდომაზე, სამთავრობო პროგრამის წარდგენისას განაცხადა, 2009 წლის შემდეგ, საქართველოს ეკონომიკა ძალიან სწრაფად გამოვიდა რეცესიიდან და ეკონომიკის ზრდა 6, 4%-ზე დაფიქისრდა. 2011 წელს კი ზრდა იყო 7 %, ხოლო, 2012 წელსაც, პირველი ორი თვის მონაცემებით, ეკონომიკური ზრდა 1 თებერვლისთვის 6 , 7 % -ზე დაფიქსირდა.
გილაურის განცახდებით, შესაძლოა ეს ციფრები მოსახლეობას ბევრს არაფერს ეუბნებოდნენ, მაგრამ იგი კარგი გზვანილია ინვესტორებისთვის.
,,მიუხედავად იმისა, რომ საქართველოს გარშემო ჰყავს ნავთობით და გაზით მდიდარი ქვეყნები, საქართველოს ყველაზე მზარდი ეკონომიკა აქვს. ბოლო ორი წელი, რუსეთზე ორჯერ უფრო სწრაფად ვიზრდებით" - განაცხადა პრემიერმა და დასძინა, რომ მსოფლიო ეკონომიკური რეცესიის და ევროკავშირის პრობლემების ფონზე, საქართველო ის ეკონომიკური სივცეა, სადაც ინვესტიციები გამართლებულია.
პარლამენტმა დღეს მთავრობის განახლებულ შემადგენლობას ნდობა უნდა გამოუცხადოს.
