სს "საქართველოს სოფლის მეურნეობის კორპორაციის" ბოსტნეულის სადემონსტრაციო ნაკვეთების პროექტის ჯგუფის ინიციატივით, სოფლის მეურნეობის სამინისტროში ჩატარდა სამუშაო შეხვედრა/ტრეინინგი, რომლის მთავარი თემა იყო ბოსტნეული კულტურების - ხახვისა და სტაფილოს წარმოების ტექნოლოგიები.
კორპორაციის ინფორმაციით, შეხვედრაზე მოწვეული იყვნენ რაიონული ცენტრების მთავარი აგრონომები. სემინარებს უძღვებოდნენ პროექტის ფარგლებში მოწვეული თურქი პროფესორ-კონსულტანტები - კაზიმ აბაკი და ალი ფუატ გოკცე, რომლებმაც დეტალური ინფორმაცია მიაწოდეს შეხვედრის მონაწილეებს ხახვისა და სტაფილოს წარმოების ტექნოლოგიური მეთოდოლოგიის შესახებ, კერძოდ ახალი ჯიშების, ოპტიმალური სარწყავი სისტემების, მექანიზაციის საშუალებების, დაავადებებათა და მავნებელთა წინააღმდეგ ბრძოლის საშულებების, მოსავლის აღებისა და შენახვის შესახებ. ძირითადი ყურადღება დაეთმო მოდერნიზებულ ტექნოლოგიებს, რომლებიც ბოსტნეულის წარმოებაშია დანერგილი. პროფესორებმა განიხილეს თურქეთის გამოცდილება აღნიშნული კულტურების წარმოების საკითხში. ღონისძიების მონაწილე აგრონომებმა მიიღეს თესვის რეკომენდაციები საქართველოს კლიმატური პირობების და ნიადაგის გათვალისწინებით. მათ საშუალება მიეცათ დაესვათ შეკითხვები, რომლებიც ძირითადად მექნიაზაციის საშუალებებს, სასუქებისა და შხამ-ქიმიკატების საკითხს ეხებოდა. ღონისძიების დასასრულს მონაწილე აგრომონებს სერტიფიკატები გადაეცათ.