ნოტარიუსებს ამხანაგობის ან სამეწარმეო იურიდიული პირის შექმნის შესაძლებლობა მიეცათ. ამასთან დაკავშირებით, "ნოტარიატის შესახებ" კანონში ცვლილებები პარლამენტმა დღევანდელ პლენარულ სხდომაზე დაამტკიცა.
მიღებული გადაწყვეტილებით, შესაძლებელი გახდა ნოტარიუსებმა სხვა ნოტარიუსებთან, ადვოკატებთან, კერძო აღმასრულებლებთან და ან აუდიტორებთან ერთად, შექმნან ამხანაგობა ან სამეწარმეო იურიდიული პირი, გარდა სააქციო საზოგადოებისა.
ასეთი ტიპის კომპანიის შექმნა შესაძლებელი იქნება მხოლოდ იმ შემთხვევაში, თუ კომპანიის პარტნიორები კომპანიის წესდების პროექტს და ბიზნესგეგმას წარადგენენ იუსტიციის სამინისტროში და მიიღებენ შესაბამის თანხმობას. ასევე, ამავე გადაწყვეტილებით, ნოტარიუსი უფლებამოსილი იქნება, კანონით და იუსტიციის მინიტრის ბრძანებით დადგენილი წესით განახორციელოს ქორწინების და განქორწინების რეგისტრაცია და გასცეს შესაბამისი სამოქალაქო აქტის რეგისტრაციის მოწმობა.
