აშშ-ის ელჩი საქართველოში ჯონ ბასი კონტროლის პალატის მიერ მოქალაქეთა მასობრივი დაკითხვის გამო შეშფოთებულია. ჯონ ბასი ამ ფაქტს სოციალურ ქსელ "ფეისბუქში" თავის გვერდზე გამოქვეყნებული კომეტრაით ეხმიანება.
"შეწუხებული ვარ იმ ვითარებით, რომელიც ახლავს კონტროლის პალატის ბოლოდროინდელ ქმედებებს. სრულფასოვანი განმარტებების ნაკლებობა იმ მეთოდების შესახებ, რომლითაც კონტროლის პალატა ახორციელებს საარჩევნო კამპანიის დაფინანსების შესახებ კანონმდებლობის აღსრულებას, ვერ შეუწყობს ხელს საზოგადოებრივი ნდობის ამაღლებას ამ უწყების, ან კონკურენტული საარჩევნო გარემოს მიმართ", - წერს ჯონ ბასი.
