საკრუიზო კომპანიები და საპორტო ქალაქები თანამშრომლობაზე შეთანხმდნენ. ამერიკაში, ქალაქ მაიამიში მიმდინარე საერთაშორისო საკრუიზო გამოფენის „Crusie Shipping Miami" - ის ფარგლებში ურთიერთიანამშრომლობის მემორანდუმი გაფორმდა, რომელიც შავი ზღვის საკრუიზო ინდუსტრიის განვითარების ასოციაციის ჩამოყალიბებას ითვალისწინებს.
მემორანდუმს აჭარის მთავრობის თავმჯდომარემ, ლევან ვარშალომიძემ მსოფლიოს წამყვანი საკრუიზო ხაზების, შავი ზღვის პორტებისა და საპორტო ქალაქების ხელმძღვანელებთან ერთად მოაწერა ხელი.
შავი ზღვის საკრუიზო ინდუსტრიის განვითარების ასოციაციის წევრი ქალაქები და საკრუიზო კომპანიები იღებენ ვალდებულებას, რომ შეიმუშავებენ საკრუიზო ტურიზმის განვითარების ერთიან სტრატეგიას და მას ეტაპობრივად განახორციელებენ.
შეგახსენებთ, რომ ასოციაციის შექმნის ინიციატივა აჭარის მთავრობის თავმჯდომარემ გასული წლის დეკემბერში სტამბოლში, საერთაშორისო ფორუმზე „Seatrade" -ზე წამოაყენა.