ეკონომიკისა და მდგრადი განვითარების მინისტრის ვერა ქობალიას განცხადებით, კოპიტნარის აეროპორტის მშენებლობა ოქტომბრის დასაწყისისათვის დასრულდება.
მინისტრი აცხადებს, რომ კოპიტნარის აეროპორტში მაისში, ასაფრენ-დასაფრენი ბილიკის მშენებლობა დასრულდება, ხოლო ამის შემდეგ დაიწყება დანარჩენი ინფრასტრუქტურის მშენებლობა, რომელიც გეგმის მიხედვით ოქტომბრის დასაწყისში დასრულდება. მინისტრის აცხადებს, რომ კოპიტნარის აეროპორტის მშენებლობისას გარკვეული შეფეხრებებიც, იყო რაც ცუდ ამინდს უკავშირდებოდა.
ქობალიას განმარტებით, კომპიტნარის აეროპორტი საქართველოში იქნება პირველი აეროპორტი, სადაც ბარგის რეგისტრაციის შემდეგ შესაძლებელი გახდება „დუტი ფრის" მაღაზიებში შოპინგი.
მინისტრის თქმით, თბილისისა და ბათუმის საერთაშორისო აეროპორტებში ამის საშუალება ფაქტობრივად არ არის, რადგანაც ბარგის რეგისტრაცია ბოლო ეტაპზე ხდება.
შეგახსენებთ, რომ საქართველოს მთავრობა კოპიტნარის აეროპორტის გასხვისებას გეგმავდა, თუმცა საბოლოოდ მისი გასხვისება გადაიფიქრა.
როგორც ცნობილია, ქუთაისის აეროპორტის საერთაშორისო სტანდარტებთან შესაბამისობაში მოსაყვანად და ნებისმიერი ევროპული დაბალბიუჯეტიანი კომპანიის მომსახურებისთვის, ეკონომიკისა და მდგრადი განვითარების სამინისტრო შპს "ქუთაისის აეროპორტის" აქტივების სიმბოლურ ფასად - 1 ლარად გასხვისებას აპირებდა. ინტერესის გამოხატვა არ ატარებდა ტენდერის ან აუქციონის სახეს, შესაბამისად, მთავრობას ჰქონდა უფლება, არ მიეღო არც ერთი განაცხადი. საქართველო მთავრობა თანახმა იყო ყოფილიყო პროექტის თანადამფინანსებელიც.
"ქუთაისის აეროპორტი" სახელმწიფო საკუთრებაში არსებული საწარმოა, რომელიც ქუთაისიდან 20 კილომეტრის დაშორებით მდებარეობს. იგი მოიცავს 35,5 ჰექტარ მიწის ნაკვეთს და 2 300 კვ.მ. შენობის ფართს. აეროპორტის ამჟამინდელი გადაზიდვის ტევადობა საათში 200 მგზავრს შეადგენს. აეროპორტი, ყოველგვარი სეზონური შეფერხების გარეშე, 24 საათის განმავლობაში ფუნქციონირებს.