მოსკოვში სინანულს გამოხატავენ იმასთან დაკავშირებით, რომ საქართველოს რუსეთთან დიპლომატიური ურთიერთობების აღდგენა არ სურს. განცხადება ამის შესახებ რუსულ მედიასთან საუბარი რუსეთის საგარეო საქმეთა სამინისტროს ბეჭდვისა და ინფორმაციის დეპარლამენტის თავმჯდომარის მოადგილემ მარია ზახაროვმა გააკეთა.
"ჩვენი წინადადების საპასუხოდ, რომელიც საქართველოსა და რუსეთს შორის დიპლომატიური ურთიერთობების აღდგენას ეხებოდა ქართულმა მხარემ კვლავ წინასწარი პირობები დაასახელა, კერძოდ, მან აფხაზეთისა და სამხრეთ ოსეთის დამოუკიდებლობის აღიარების ოფიციალური გაუქმება მოითხოვა.
ასე რომ, თბილისი არ აპირებს გადახედოს თავის გადაწყვეტილებას, რომელიც მან 2008 წლის სექტემბერში მიიღო და რომელიც დიპლომატიური ურთიერთობის გაწყვეტას ეხება. ამით კი რუსული ინიციატივა, რომელიც მიმდინარე წლის 2 მარტს იქნა გაჟღერებული და რომელსაც შეეძლო რეალურად ემოქმედა ურიერთობების ნორმალიზაციისათვის უარყოფილი იქნა", _ განაცხადა ზახაროვამ და იქვე დასძინა, რომ ეს იმედგაცრუებას იწვევს, თუმცა "ალბათ არც არავის გაკვირვებია".
ზახაროვამ ასევე აღნიშნა, რომ რუსეთის ფედერაციის საქართველოსათვის წამოყენებული მეორე წინადადება საქართველოს მოქალაქეებისათვის ორმხრივ საფუძველზე უვიზო რეჟიმის დაწესებას ნიშნავდა.
"ამაზე მივიღეთ ასეთი პახუხი, რომ თითქოს რუსეთს სრული უფლება აქვს საქართველოს მაგალითი გაიმეოროს და ცალმხრივად ვიზები გაუქმოს. ეს პასუხი ადეკვატურად ვერ ჩაითვლება შემდეგი მიზეზის გამო: საქართველოს უვიზო მიმოდვლა ცალმხრივ საფუძველზე დაწესებული აქვს მსოფლიოს თითქმის ას ქვეყანასთან, ასეთია არც თუ ისე დიდი ქვეყნების პრაქტიკა, რომლებიც ტურისტების მიზიდვას ცდილობენ.
თუმცა იმ შემთხვევებში, როდესაც მნიშვნელოვანი საერთაშორისო პარტნიორები მათ საპასუხოდ იგივე ნაბიჯის გადადგმას აპირებენ ეს ფორმალური ორმხრივი შეთანხმებებით რეგულირდება", _ აცხადებს ზახაროვა.
მისივე თქმით, სწორედ ასეთ ცივილიზებულ გზას სთავაზობდა რუსეთი ქართულ მხარეს და "სამწუხაროა, რომ ეს წინადადება უარყოფილი იქნა და უვიზო თემასთან დაკავშირებით პროპაგანდისტული და სპეკულაციური განცხადებების კეთება გაგრძელდა".
