სახელმწიოფო მინისტრის რეინტეგრაციის საკითხებში, ეკა ტყეშელაშვილის განცხადებით, იმ შემთხვევაში, თუ რუსეთს მართლა სურს საქართველოსთან ურთიერთობის გაუმჯობესება, ეს მათი მხრიდან ძალიან მარტივი გასაკეთებელია.
როგორც ტყეშელაშვილმა მთავრობის სხდომის დაწყებამდე ჟურნალისტებთან საუბრისას განაცხადა, საქართველოსა და რუსეთს შორის ურთიერთობის გაუმჯობესებისთვის რუსეთმა უნდა მოახდინოს საქართველოს დეოკუპაცია და სახლში დაბრუნდნენ ის ადამიანები, რომლებიც იძულებით არიან გამოდევნილი საკუთარი სახლებიდან.
"პუტინის მიერ ბოლოს გაკეთებულ განცხადებებში არაფერი სიახლე არ არის. ეს არის იგივე "ამხანაგი პუტინი", რაც აქამდე იყო. იმისთვის, რომ რუსეთმა საქართველოსთან ურთიერთობა გააუმჯობესოს, უნდა მოახდინოს ქვეყნის დეოკუპაცია და სახლში დააბრუნოს ის ადამიანები, რომლებიც ოკუპაციის შედეგად გამოდევნილნი არიან საკუთარი სახლებიდან. თუ პუტინი და მისი ქვეყანა ურთიერთობის გაუმჯობესების მოსურნეები მართლა არიან, ამისთვის აღნიშული ნაბიჯების გადადგმა მათი მხრიდან მარტივი გასაკეთებელია", - განაცხადა ტყეშელაშვილმა.
რაც შეეხება რუსეთში გამართულ არჩევნებს, ტყეშელაშვილი თავს იკავებს კონკრეტული კომენტარების გაკეთებისგან, თუმცა აცხადებს, რომ პუტინს შედეგის მისაღწევად გაცილებით მეტი ხრიკების, მათ შორის ძალისმიერი გამოყენება დასჭირდა, ვიდრე წარმოედგინა.