კომპანია „პეპსი კო ბოთლერს ჯორჯია" პოპულარულ გამაგრილებელ სასმელ „პეპსის" უფრო ნაკლები შაქრით გამოუშვებს. როგორც კომპანიის მენეჯმენტში აცხადებენ, ნაკლები შაქრის შემცველობის მქონე პეპსი გაყიდვაში რამდენიმე დღეში გამოჩნდება.
„განახლდა „პეპსის" შემადგენლობა, შესაბამისად სასმელში შაქარი შედარებით მცირე ოდენობით იქნება წარმოდგენილი. დარწმუნებული ვართ, ჩვენი ერთგული მომხმარებელი მოიწონებს სიახლეს და სასიამოვნო ცვლილებას სათანადოდ შეაფასებს. ჩვენი კომპანია მუდამ ორიენტირებულია მომხმარებლის კმაყოფილებაზე, ამიტომ მუდმივად ვცდილობთ შევთავაზოთ მათ სიახლეები და სახალისო აქციები," - აცხადებს კომპანიის გენერალური დირექტორი დავით ლომჯარია.
ამ სიახლესთან ერთად, კომპანია პეპსის სათაო ოფისმა მუსიკითა და სპორტით გაჯერებული "Kick In The Mix" მსოფლიო კამპანიის დაწყების შესახებ უკვე ოფიციალურად განაცხადა. უპრეცედენტოდ მუსიკალურ და სპორტულ აქციაში მსოფლიოს მუსიკის შემსრულებლები და ფეხბურთის ვარსკვლავები ჩაებმებიან.
პეპსის მენეჯმენტის ინფორმაციით, სამგზის მსოფლიო მოთამაშის ტიტულის მატარებელი ფეხბურთელები ლეო მესი, დიდიერ დროგბა, ფერნანდო ტორესი და ფრანკ ლამპარდი, ახალგაზრდა, მაგრამ ძალიან პოპულარულ ფეხბურთელებთან ჯეკ ვილშერთან და სერჯიო კუნ აგუეროსთან გაერთიანდნენ, რომ ერთად ჩაატარონ 2012 წლის ყველაზე აქტიური კამპანია. კალვინ ჰარისი კი, რომელიც მსოფლიოში ერთ-ერთი ყველაზე ცნობილი დიჯეი, პროდუსერი და ჰიტების შემქმნელია პროექტის მუსიკალურ მიმართულებას გაუძღვება და სპეციალურად მისთვის საუნტრეკს შექმნის.
„2010 წლის წარმატებული საფეხბურთო პროგრამის და Pepsi-ის Oh Africa-ას ჰიმნის შემდეგ, ჩვენ გავაფართოვეთ მუსიკის სინთეზი სპორტთან. მუსიკას და ფეხბურთს, ბუნებრივად მოაქვს ამაღელვებელი განწყობა ფანებისათვის. Pepsi კი ამ ყველაფერს ახალ და ხალისიან ელფერს აძლევს. იმედი გვაქვს , 2012 წლის კამპანია ერთერთი ყველაზე საუკეთესო იქნება,"- აცხადებს "პეპსი კო ბოთლერ ჯორჯიას" კომერციული დირექტორი ლევან კასრაძე.
კომპანია „იბერია რეფრეშმენტსი" (იგივე პეპსი) აწარმოებს პეპსის, პეპსი მაქსს, პეპსი ლაითს, მირინდას, სევენ აპს, მაუნტინ დიუს. ასევე სს „იბერია რეფრეშემნტსი" არის PepsiCo-ს სხვა ბრენდების ოფიციალური დისტრიბუტორი: ლიპტონი (ცივი ჩაი), ია (წვენი) და ფრუქტოვი სადი (წვენი).