"თიბისი ბანკის" ანაბრების კამპანია გრძელდება. კამპანიის ფარგლებში ყველა მეანაბრე, ვინც 1-ლი მარტიდან 31 მარტის ჩათვლით, გახსნის "ვადიან" ან "ვადიან+" ანაბარს "თიბისი ბანკში", მიიღებს +1% სარგებელს და ჩაერთვება სახალისო თამაშში; ამ თამაშში გამარჯვების შემთხვევაში კი მიიღებს დამატებით მაქსიმუმ 1.5% და სიურპრიზს.
თამაშის მთავარი გმირი კვლავ ედმონდ აბაშიძეა - თიბისი ბანკის გასული წლის წარმატებული აქციების "იპოვე $10.000" და "მოიგე $20.000" მთავარი გმირი.
თიბისი ბანკის მეანაბრეები ედმონდ აბაშიძის თავგადასავლების თანამონაწილეები ხდებიან. ახალი თამაშის ისტორიაც ედმონდის ბებიის დღიურს უკავშირდება, რომელიც მან თავისი წინაპრების სახლში იპოვა. დღიურიდან ირკვევა, რომ ედმონდის ბებიას განძი საქართველოს სხვადასხვა კუთხეში აქვს დამალული. თითოეული განძის პოვნას თითო თვე სჭირდება. თებერვლის თამაშის მსგავსად, ამჯერადაც ედმონდი მეანაბრეებს სთავაზობს, ჩაერთონ ახალ თამაშში, დაეხმარონ განძის პოვნაში და მიიღონ საჩუქარი, რომელიც მარტშია დაწესებული.
თებერვლის დეპოზიტების თამაშისგან განსხვავებით, მარტის დეპოზიტების თამაშში, მნიშვნელოვანია დროის ფაქტორი, ანუ რა დროში გაივლის მეანაბრე თამაშის თითოეულ ეტაპს. დეპოზიტარს თითო ეტაპზე შეუძლია მოიპოვოს მაქსიმუმ 0.5%. თამაში 3-ეტაპიანია, ანუ ჯამში თამაშის საშუალებით, მეანაბრეს მაქსიმუმ 1.5%-ის მოპოვება შეუძლია.
თამაში გაიმართება ვებგვერდზე www.tbcdeposits.ge.. მეანაბრე ანაბრის გახსნისთანავე მიიღებს ედმონდის წერილს, რომელშიც მითითებული იქნება მისი პირადი კოდი. სწორედ ამ კოდის საშუალებით უნდა შევიდეს იგი ვებგვერდზე და ითამაშოს.
კამპანია ერთწლიანია. ყოველი თვის დასაწყისში ედმონდ აბაშიძე მეანაბრეებს ახალ თამაშს შესთავაზებს და საჩუქრებიც შესაბამისად სხვადასხვა იქნება.
დეპოზიტების კამპანიის ფარგლებში პირველი თამაში თებერვლის დასაწყისში გაიმართა. თებერვლის თამაშში დეპოზიტარების 40 პროცენტი ჩაერთო - მათგან ნახევარმა მოიგო და გახდა +1%-ის ანუ ჯამში +2 პროცენტის მფლობელი.
