საერთაშორისო ინვესტორების დაინტერესებას აჭარის ავტონომიური რესპუბლიკის მთავრობა კანის უძრავი ქონების საერთაშორისო გამოფენაზე - "მიპიმი-2012" შეეცდება. აჭარის ფინანსთა და ეკონომიკის სამინისტროს წარმომადგენლები საფრანგეთში რეგიონის საინვესტიციო პოტენციალს წარადგენენ.
საერთაშორისო გამოფენა უძრავი ქონებისა და ინვესტიციების სამყაროში ერთ-ერთი უმნიშვნელოვანესი ღონისძიებაა, რომელშიც მსოფლიოს უმსხვლესი კომპანიათა ხელმძღვანელები, ქალაქებისა და რეგიონების ადმინისტრაციების წარმომადგენლები, ინვესტორები, ბანკები და სხვა ფინანსური სტრუქტურებია წარმოდგენილი.
გამოფენას საფუძველი 1990 წელს ჩაეყარა და იგი ყოველი წლის მარტში კანში იმართება. მასში აჭარა უკვე მეექვსედ მონაწილეობს. წელს გამოფენაზე 19 ათასი კომპანიაა წარმოდგენილი.