„ილიაუნი ბიზნეს რევიუს'' შეფასებით საქართველოს ავიაბაზარზე ერთი ხუთვარსკვლავიანი, ოთხი ოთხვარსკვლავიანი, 8 სამვარსკვლავიანი და ორი ორვარსკვლავიანი ავიაკომპანია მოქმედებს. კავკასიის მასშტაბით ხუთ ვარსკვლავიანი ავიაკომპანია მხოლოდ საქართველოსა და აზერბაიჯანში დაფრინავს - კვლევას ,,ილიაუნი ბიზნეს რევიუ'' Skytrax დაყრდნობით ავრცელებს.
„ილიაუნი ბიზნეს რევიუს'' მიხედვით, ოთხ ვარსკვლავიანი ავიაკომპანიების მიმართულებით კვლავ საქართველო და აზერბაიჯანი ლიდერობენ, ამ ქვეყნებში ოთხ-ოთხი ასეთი რანგის ავიაკომპანია დაფრინავს. სომხეთში მხოლოდ ორი ოთხვარსკვლავიანი ავიაკომპანია დაფრინავს. სამ ვარსკვლავიანი ავიაკომპანიების კუთხით საქართველო ლიდერობს.
ქვეყანაში 8 სამ ვარსკვლავიანი ავიაკომპანია დაფრინავს. მეორე ადგილზე აზერბაიჯანი სადაც 7 სამ ვარკვლავიანი ავიაკომპანია დაფრინავს. ეს მაჩვენებელი ერთით აღემატება სომხეთის ანალოგიურ მაჩვენებელს. ორ ვარსკვლავიანი ავიაკომოპანიებიდან ორ-ორი მათგანი დაფრინავს საქართველოსა და სომხეთში. აზერბაიჯანში კი ეს მაჩვენებელი ნულის ტოლია.
საქართველოში მგზავრებს ემსახურება მოფლიოში საუკეთესო კომპანია ხუთვარსკვლავიანი „Qatar Airways" და ევროპაში საუკეთესო კომპანია „Turkish Airlines". ოთხვარსკვლავიანი ავიაკომპანიებიდან საქართველოში მოქმედებს - თურქიშ ეარლაინსი, ლუფტჰანზა, ავსტრიის ავიახაზები, KLM, ჩინეთის ავიახაზები. სამვარსკვლავიანი კომპანიებიდან BMI, ეარ ბალტიკი, პოლონეთის ავიახაზები, აზერბაიჯანის ავიახაზები, ეარ ასტანა, სიბირის და ჩეხეთის ავიახაზები, ორვასკვლავიანებს შორის მოქმედებენ - პეგასუსი და უკრაინის ავიახაზები (აეროსვიტი).
საქართველო მგზავრების მომსახურების მიხედვით (მაღალ რეიტინგული ავიაკომპანიების მაჩვენებელით) კავკასიის რეგიონში ლიდერი ქვეყანაა (ერთი სამვარკვლავიანი და ორი 2 ვარსკვლავიანი ავიაკომპანის ფრენებით უსწრებს აზერბაიჯანს);
ქართული ავიაკომპანიები რეიტინგში არ არის მოხვედრილი; როდესაც სომხურ და აზერბაიჯანულ ავიაკომპანიები ფიგურირებს რეიტინგში (აზერბაიჯანულს 3 ვარსკვლავი „Azerbaijan Airlines", სომხურს 2 „Armavia"); საქართველოდან მგზავრების გადაყვანის მომსახურე ავიაკომპანიების რეიტინგი საშუალოზე მაღალია (80%-ზე მეტი); ევროპის 3 საუკეთესო კომპანიიდან 2 საქართველოში დაფრინავს, რაც მაღალი მაჩვენებელია; ამ დროსათვის საქართველოს ავიაბაზარზე 20-მდე ავიაკმპანია ოპერირებს, მათ შორის ერთი ქართული ,აირზენა''. საქართველოში დაგეგმილია რამდენიმე ახალი ავიაკომპანიის შემოსვლა, მათ შორის „Alitalia" რომლიც კიდევ უფრო გაზრდის ხარისხობრივ მაჩვენებელს.
ორგანიზაცია Skytrax შექმნა 1989 წელს ავია ინდუსტრიის სფეროში კვლევების და კონსულტაციების განხორციელების მიზნით. ორგანიზაციის წარმომადგენლები კვლევებს ახორციელებენ 215 ავიაკომპანიასთან და 75 აეროპორტში. მისი რეიტინგები მსოფლიოში მიჩნეულია როგორც ყველაზე ავტორიტეტული მაჩვენებლები ავიაინდუსტრიაში.
ორგანიზაციის მიერ შემოთავაზებული ავიაკომპანიების კლასიფიცირება წარმაოდგენს მათი პროდუქტების და მომსახურების ხარისხის შეფასების სისტემას, რომლის მიხედვითაც მინიჭება ხდება გარკვეული რაოდენობის ვარსკვლავების. შეფასება ხორციელდება 800-ზე მეტი კრიტერიუმით, რომელიც მოიცავს როგორც პროდუქტების, ასევე მომსახურების მიწოდების ხარიხს.