საქართველოს სტატისტიკის ეროვნული სამსახურისა და შვედეთის სტატისტიკის ერთობლივი პროექტის ფარგლებში საქსტატში 5 მარტიდან 9 მარტის ჩათვლით შვედი სტატისტიკოსები სტუმრობენ.
შვედეთის სტატისტიკოსების მისია ერთი კვირის განმავლობაში ეროვნული ანგარიშების სტატისტიკის სამმართველოს თანამშრომლებთან იმუშავებს. ეს რიგით მეორე მისიაა ეროვნული ანგარიშების სამსახურში. ვიზიტის ფარგლებში დაგეგმილია მთლიანი შიდა პროდუქტის (მშპ) მეთოდოლოგიური საკითხების განხილვა.
საქსტატსა და შვედეთის სტატისტიკას შორის 3-წლიანი თანამშრომლობის პროექტის ფარგლებში შვედეთის სტატისტიკა საქსტატს ტექნიკურ დახმარებას უწევს ინფლაციის, მთლიანი შიდა პროდუქტის, თანამშრომელთა ტრენინგის, და სხვა ძირითადი სტატისტიკური კომპონენტების ხარისხის გაუმჯობესების მიმართულებით. პროექტის ბიუჯეტი 4 მილიონი ლარის ექვივალენტს შეადგენს შვედურ კრონებში და მთლიანად დაფინანსებულია შვედეთის საერთაშორისო განვითარების სააგენტოს (SIDA) მიერ.
