საზოგადოებრივ მაუწყებელი დოკუმენტური ფილმების ახალ პროექტზე - „ჩვენ, კავკასიელები" იწყებს მუშაობას.
პროექტი ტერიტორიული მთლიანობის აღდგენის დროებით საპარლამენტო კომისიის ინიციტივით ხორციელდება.
პროექტის თანახმად, გათვალისწინებულია 12 დოკუმენტური ფილმის გადაღება, რომელსაც ტელეკომპანია „პიკის" ბაზაზე დოკუმენტალისტი, თომა ჩაგელიშვილი მოამზადებს.
კომისიის ხელმძღვანელის შოთა მალაშხიას თქმით, დოკუმენტურ ფილმები ჩრდილოკავკასიელების მიმართ განხორციელებულ რუსულ პოლიტიკას მიეძღვნება, რომელიც „ცარიზმიდან" იღებს სათავეს, რომელსაც რუსეთის დღევანდელი ხელისუფლებაც აგრძელებს.
ამასთან, ფილმების ციკლში ქართველი და ჩრდილოკავკასიელი ხალხის ისტორიული ურთიერთობის და მეგობრობის ასპექტებიც აისახება.
შეგახსენებთ, რომ ტერიტორიული მთლიანობის აღდგენის დროებით საპარლამენტო კომისიამ და საზოგადოებრივმა მაუწყებელმაერთობლივად ტელეპროექტი „ოკუპაცია" უკვე განახორცილეს.
დოკუმენტური ფილმებში ფაშისტური და კომუნისტური რეჟიმების მიერ სხვადასხვა დროს განხორციელებული გენოციდისა და ოკუპაციის ფაქტები არის ასახული, რომლის ჩვენებაც 25 თებერვლიდან „პირველი კავკასიურის" ეთერში დაიწყება.
