აჭარის ფინანსთა და ეკონომიკის სამინისტრომ კომპანია „კინოს უბანთან" ინფრასტრუქტურის განვითარების მიზნით ერთ-ერთი მნიშვნელოვანი ხელშეკრულება გააფორმა. ხელშეკრულების ფარგლებში ქ. ბათუმში, ზ. გამსახურდიას ქ. N42-ში, ზუბალაშვილის შესახვევი N1-ში და ზუბალაშვილისა და ზ. გამსახურდიას კვეთაში მდებარე უძრავ ქონებებზე ინვესტორი კომპანია 2014 წლის აგვისტომდე ააშენებს მრავალ ფუნქციურ შენობა-ნაგებობებს. ინვესტორი ბათუმის მერიასთან შეთანხმებული პროექტის შესაბამისად, უზრუნველყოფს მიწის ქვეშა ავტოპარკინგის მოწყობას არანაკლებ 1000 კვ.მ-ზე. იმავდროულად „კინოს უბანი“ ვალდებულია ზუბალაშვილისა და ზვიად გამსახურდიას კვეთაში მოაწყოს სკვერი და უზრუნველყოს სკვერის ფუნქციური დანიშნულების შენარჩუნება უვადოდ. იმავდროულად ინვესტორის ვალდებულებაა, რომ ექსპლუატაციაში მიღებიდან, არაუგვიანეს ერთი თვის ვადაში აჭარის ავტონომიურ რესპუბლიკას საკუთრებაში 400 კვ.მ კეთილმოწყობილი საცხოვრებელი ფართი გადასცეს, ხოლო 2013 წლის თებერვლის ბოლომდე უზრუნველყოფს ქ. ბათუმში, რევაზ კომახიძის .N4-ში მდებარე საცხოვრებელი სახლის ფასადის რეაბილიტაცია.